Chapter 39 - uncertain

SA PALAGAY ni Safhire ay nag-aalala rin si Vhendice sa posibleng mangyayari kung iiwan siya nitong mag-isa kasama si Jenni May Amores kaya nang dumating si Rheeva ay nagpasya ang binata na samahan na muna sila roon sa villa. Habang si Rheeva ay nagpaalam na sasaglit ng Chrysanthemum mansion para makipagkita sa chairman.

Tahimik lamang sa biyahe ang dalaga at namamangha sa kapaligiran ng Edena. Ngayon lamang siya nagkaroon ng pagkakataong mapag-aralan ang capital at mamalas ng malinaw kung anong mayroon dito. Ang buong lugar ay nagmistulang maze dahil sa mga matatayog na gusali. Mahirap paniwalaang bawat tamaan ng kanyang paningin ay sakop ng Andromida Conglomerate main headquarters. Lalo tuloy siyang naiintriga kung anong mayroon at pwedeng makita sa kaloob-looban ng Andromida Conglomerate headquarters. Gusto niyang makapasok, kung maaari lamang sana. Pero dama niyang off-limits sa mga katulad niya ang buong premises.

"Enjoying the view over there?" Inagaw ni Vhendice ang kanyang aten