240. Bonding

Nakakatuwa dahil katulad ni Ate Rose ay mabait ang mommy at daddy ni Frank. Nagboluntaryo pa si Tita Freya na ipapadala ang mga libro nito para makatulong sa pag aaral niya.

“That’s it, iha. Palagi mong tatandaan na hindi gusto ng anak ko ang mga pritong pagkain. Hindi bale na maghain ka ng mga masabaw, wag lang mga prito. Sa palagay ko nga ‘yun ang sekreto ng anak ko kaya napakakinis ng mukha niya.”

Natawa siya sa biro ni Tita Freya. Nandito sila ngayon at nagluluto ng lunch. Dito kasi manananghalian ni Tito Alexander. Dapat ay sa bahay nila ate Rose sila manananghalian pero dahil minsan lang daw sila magkikita at magkakasabay ay dito ito kakain ngayon.

Masarap at mabilis magluto si Tita Freya. Kasing bilis nito magluto si Chef, sanay na sanay ito at alam na alam ang ginagawa.

“Wow! Ang sarap po, Tita!” Aniya ng matikman ang kare-kare na niluto nito. “Mas masarap pa sa luto ni Chef!” Walang halong kasinungalingan na sinabi niya. Tumawa naman si Chef na nasa gilid lang na nak