211.🔞Book 3: Imposible

Hindi mapakali si Hazel habang paroon at parito sa kanyang kwarto. Akala niya ay matagal niyang makakausap ang kapatid ni Frank pero mali siya. Dumating agad ang asawa nito para sunduin ito. Nakakapanghinayang dahil halata naman na gusto pa nilang makausap ng matagal ang isa't isa.

Nagulat si Aling Fatima ng makita ang naka-impake niyang bag pagkapasok nito. "Hazel, ano ang ibig sabihin nito?"

Bumuntong-hininga siya. "Aalis na ako, Aling Fatima. Kailangan kong umalis bago pa makabalik dito si Kuya Frank." Wala kasi ito dahil sumama ito sa mag asawang umalis kanina. Kaya naman kailangan niyang makaalis bago pa ito makabalik.

"Pero, Hazel,"

"Aling Fatima, ayoko na dito. B-baka kasi saktan niya ako eh, natatakot ako. Nakita niyo naman po kung gaano siya kagalit sa akin kanina. P-paano po kung hindi dumating si Ate ganda?"

Nangingilabot na niyakap niya ang sarili. Maisip palang niya na masasaktan siya nito ay natatakot na siya. Kaya naman hindi na niya hihintayin na maabutan pa siya