185.🔞Book 3: Ano ang pamilya?

Tumigil siya sa ginagawa at tumanaw sa labas ng bintana. Ang daming ibon na lumilipad. Ano kaya ang pakiramdam na maging malaya katulad nila? Ito ang palagi niyang tinatanong sa isip niya. Bumaba ang tingin niya sa baba ng bintana. May mga sasakyan na dumating.

'Sila Ate Yassie at Kuya Yael siguro.'

Mukhang dumating na ang mga kapatid niya galing ng Manila. Gusto din sana niya makapunta do'n. Di bale. Sigurado na matutupad na ang pangarap niya dahil twenty na siya noong nakaraan linggo.

"Hazel! Dalian mo di'yan dahil marami pa tayong gagawin!" Tawag ni Aling Nita, ang mayordoma ng mansion.

"Opo, Aling Nita!" Nagmamadali niya na nilagay ang basahan sa balde at binitbit ang mop na dala niya. Nandito kasi siya ngayon sa third floor ng mansion at naglilinis ng ilang mga bintana.

Habang pababa siya ng hagdan ay panay ang linga niya sa ibaba. Baka kasi masalubong sila Yassie at Yael. Nang makita niya ang dalawa ay nagmamadali siyang bumaba. Muntik pa siyang matisod sa pagmamadali na m