Chapter 70: The Search For Infinity Gems

GREEN’S POV

Pagkatapos ng pagpupulong ay tumungo agad ang mga naatasan sa paghahanap sa mga Infinity Gems. Si Ina at Yazenth ay nanguna rin sila sa paghahanap ng mga ito. Tumungo silang dalawa sa Emerald upang hanapin ang Nature Gem. Habang ang iba naman ay pumunta sa ibang dimension.

Nakaalis na rin si Alpha Goddess Hely papuntang Helia upang hanapin ang Life Gem, na minsan na rin niyang naging pag-aari, ito ay ayon sa aking nabasa sa librong kasalukuyan kong hawak.

Ang mga Infinity Gem ay ipinagkaloob ni Alpha God Infinite sa walo nitong mga anak. Ngunit sa kasamaang palad ay nasilaw sa kapangyarihan ang isa sa kanila dahilan upang magawa nitong patayin ang kaniyang mga kapatid upang makuha ang kani-kanilang Infinity Gem. Siya si Alpha God Tartarus, ang anak nitong nagmula sa kapangyarihan ng walong Infinity Gems. At siya ay tuluyan nang nagbalik upang ipagpatuloy ang kaniyang nasimulan. Siya ay nakatakdang maghasik ulit ng lagim sa buong Therra Universe, ngunit sa pagkakataon na it