Chapter 77: Fighting Demons

THIRD PERSON'S POV

Kasalukuyan nasa bulwagan ng akademya sina Alpha Goddess Hely, Goddess Heldy, God Rain, Yazenth, O’brien, at ilan pang may mga tungkulin sa Utopia o sa ibang dimensyon.

Nagpupulong sila sa kung ano ang susunod nilang hakbang habang hinihintay ang kanilang ibang mga kasamahan na nasa kani-kanilang misyon.

Ilang sandali na lang din ay maglalakbay na ulit ni Goddess Heldy pabalik sa Neverland upang balikan sina Celeste, Catterfeld, at Scarlet. Nangako siya sa kanila na babalik siya pagkatapos ng mahalaga niyang gagawin dito sa akademya. Ngunit alam niyang mahihirapan na siyang lumabas at bumalik pa. Kaya nag-iisip sila ng plano.

Bukod pa riyan ay nakatakda ring maglakbay si Yazenth papunta sa Haphazard upang hanapin at subukang kunin ang sinasabi ni Goddess Heldy na kakaiba at nag-iisang halaman na may kakayahan upang ibalik ang malay ni Green na ngayon ay hindi pa rin nagigising.

“Nagkalat na ang mga kalaban sa iba't ibang dimensyon. Maging ang sansinukob ng Helia ay