Kabanata 65: No intentions

ALLYS POV

Nakatitig sa akin si Leon gamit ang kanyang seryosong mga mata na animo'y hinihintay niyang umaamin ako sa kanya.

Ano bang nangyayari sa kanya?

Sobrang talim ng kanyang mga tingin kaya hindi ko maiwasang makaramdam ng kaba. Medyo pinagpapawisan na rin ako ng malagkit. Lalo na ang mga palad ko sa kamay ay ganoon din. Kahit sobrang lakas naman ng aircon dito sa loob ng kotse niya ay pinagpapawisan pa rin ako.

"U-uhm...p-pwede bang ihatid mo na ako pauwi? M-medyo hindi maganda ang pakiramdam ko ngayon, Leon. P-pwede bang sa susunod na lang tayo mag-usap ng dalawa-"

"Just answer my damn question woman! Who are you?" mariing tanong niya ulit sa akin.

Tuluyan na akong hindi mapakali sa kinauupuan ko. Kita ko sa kanyang mga mukha ang komprontasyon at panghuhusga. Panay ang iwas ko sa kanya ng tingin habang napapalunok ng ilang ulit.

Pakiramdam ko ngayon ay wala na akong kawala sa kanya. Para siyang isang leon na handa ng manakmal sa kanyang maliit na pagkain. At ako a