Kabanata 56: Filing A Case

CARLA POV

"MARIEL!" sigaw ko nang makita kong bigla na lang mawalan ng malay si Mariel.

Tinapik tapik ko ang mukha niya para magising siya pero wala pa ring epekto. Nagulat na lang ako ng lumapit si Leon sa amin at mabilis niyang hinubad ang suot niyang coat at itinakip iyon sa buong katawan ng kaibigan ko. Saka niya ito marahang binuhat palabas ng c.r.

Mabilis kong tinawag si Samantha na nakatitig pa sa nakahandusay na ex ni Mariel sa sulok. Basag ang buong mukha nito na animoy sinuntok ng ilang libong demonyo.

Serves him right!

Mabuti na lang at wala masyadong tao dito sa c.r. dahil nasa loob na ito ng pasilyo ng hotel. At lahat ng mga tao ay naroroon sa party. Kaya walang nakakita sa buong nangyari sa kanya ngayon.

Kung nagkataon pa na hindi kami dumating at hindi rin namin nakita si Leon ay baka naisakatuparan na niya ang masamang plano niya sa kaibigan namin. Kaya dapat lang sa kanya iyan!

"Come on, Sam," hila ko kay Samantha paalis sa lugar na ito.

"T-teka