Kabanata 21: Pagkilala

ALLYS POV

Nakaupo kaming dalawa ngayon sa hood ng sasakyan niya at pareho naming pinagmamasdan ang madilim na kalangitan na punong puno ng mga makikinang na bituin.

"Dito ka ba pumupunta kapag nais mong magpahangin at mapag-isa?" tanong ko sa kanya.

"Hindi naman masyado," maikli niyang sagot habang pinagmamasdan pa rin ang langit.

"Ganon ba," kibit balikat ko na lang na saad.

Sobrang tahimik at tanging mga kuliglig lamang ang aking naririnig. Meron din akong nakikitang mga iilang alitaptap na nagliliparan sa paligid.

Napakaganda at sobrang nakakarelax sa pakiramdam ang ganitong uri ng senaryo. Idagdag mo pa ang mga nagkikislapang mga ilaw mula sa mga naglalakihang building sa syudad.

Nasa ganoon kaming sitwasyon nang bigla na lang umihip ang isang malamig na simoy ng hangin at inililipad nito ang manggas ng aking suot na palda. Dahilan kung bakit nakita ang aking mga hita. Nagulat ako sa nangyari at kaagad na napatili.

Kitang kita ko kung paano ako pasadahan nang tingin ni Leo