Kabanata 27: Confrontation

ALLYS POV

"Ayos lang naman ako," sabi ko kay Leon na abala panggagamot sa braso ko.

"Hindi naman ako nagkaroon ng sugat, Leon. Sadyang namumula lang siya pero mawawala rin ito kaagad," dagdag ko pa nang hindi niya ako pinansin.

Tinitigan ko ang gwapo niyang mukha. Sobrang kapal ng kilay niya at kita kong magkasalubong ito. Ang sabi nga ng mga matatanda sa amin, kapag makapal daw ang kilay at magkasalubong ay nagpapahiwatig daw ito na madaling magselos ang isang tao. Kung ganoon ay seloso kaya siya?

"Stop staring will you," sabi niya at iniligpit na ang mga ginamit niyang first aid kit.

Namumula ang mukha kong nag-iwas nang tingin sa kanya.

"H-hindi kita tinititigan ah," nauutal kong sabi at tumayo.

Umalis ako sa tabi niya at sa halip ay nilapitan ko na lang ang mga naitanim kong mga bulaklak noong nagdaang araw. Medyo may nakikita na akong maililiit na bagong tubong dahon sa tangkay nito. Mabuti naman at nabuhay silang lahat na itinanim ko.

"Nasabihan ka na ba ng mga magulang