Kabanata 5

Nasa loob ng classroom si Alison ngayon para sa kanyang panghuling subject. May sinasabi ang prof. nila tungkol sa kanilang lesson pero ang isip nya ay wala na doon. Kanina pa kasi nya nilalabanan ang antok, simula first subject ay gusto na lang nyang matulog ngunit hindi pwede dahil baka mapagalitan pa sya.

Paano ba namang hindi sya aantukin ngayon ay napuyat sya kagabi. Ang magaling na si Razen kasi ay pinilit sya na matulog sa bahay nito ng dalawang gabi. Gusto sana nyang magreklamo dito dahil halos ayaw na syang pauwiin. Mabuti na lang din natawagan nya ang kaibigang si Lea para sabihin na hindi sya makakauwi muna sa kanilang apartment. Wala namang naging reklamo ang kaibigan, mukhang may ideya na ito kung sino ang kasama nya at kung saan sya matulog muna.

Sa dalawang araw at gabi nya na nasa bahay ni Razen ay halos puro kahalayan ang ginawa sa kanya ng lalaki. Sya namang marupok ay laging bumibigay sa bawat pang aakit nito. Alam na alam naman ng lalaki kung paano sya maaakit, konting hawak at dikit lang ng katawan nila ay para na syang inaapuyan.

Ang resulta ay ito, halos kulang sya sa tulog. Mabuti na lang at hindi sya nalate kanina ng pasok at hinatid sya ni Razen.

Nang magpaalam ang prof. nila sa last subject ay agad naman syang lumabas ng classroom. Ang nasa isip nya lang ay matulog pag uwi, hindi na din nya napansin na nakaabang pala ang kaibigan nyang si Lea sa classroom kung hindi pa ito nagsalita.

"Hoy babae, nakakaloka ka, hindi mo manlang ako napansin", pagkausap nito sa kanya habang kasabay nyang naglalakad.

"Hays, pasensya na, sobrang antok ko na kasi kaya di na kita napansin", pagsagot nya naman dito sabay hikab pa.

"Bakit ka ba kasi puyat na puyat?", may panunuri na tanong ni Lea. "Pinuyat ka ba ni Kuya Razen ha?", may pang aasar pa na pahabol nito.

Halos mapaubo naman si Alison dahil sa pinagsasabi ng kaibigan. Nang mapatingin sya dito ay gagalaw galaw pa ang mga kilay nito na parang may alam sa nangyare sa kanya sa loob ng dalawang araw na kasama nya si Razen.

"Tumigil ka nga", sabay hampas sa braso nito. "Hindi lang ako nakatulog ng ayos dahil nasa ibang bahay ako", pagpapalusot nya pa kahit alam na hindi maniniwala ang kaibigan.

"Sus! Baka may extra activity kayo ni Kuya Razen kaya ka napuyat", pang aasar pa nito habang tumatawa. "Imposible namang nagtitigan lang kayong dalawa maghapon at magdamag", tumatawa pa din ito habang naglalakad.

Medyo liberated ang kaibigan nyang si Lea kaya alam nya na iba talaga ang nasa isip nito. Kahit magpalusot pa sya ay hindi ito paniniwalaan ng kaibigan.

"Teka teka nga", hinawakan nya ang braso ng kaibigan dahilan para mapahinto din ito at mapatingin sa gawi nya.

"Ano yun?", may halong pagtataka na tanong nito sa kanya.

"Maalala ko lang nabanggit ni Kuya Razen na kasama ka ng isa nyang kaibigan, sino yun ha? Ano mo yun?", sya naman ngayon ang natatawa habang nakatingin sa mukha ng kaibigan na halatang naiilang sa sinabi nya.

"Ah...yun ba? Wala yun ka M.U ko ganun", sagot nito na halos hindi kakatingin ng diretso sa kanya.

"Seryoso? Ilang taon na ba yun? Kung kaibigan ni Kuya Razen yun ibig sabihin medyo maedad na din, buti pumayag na M.U lang kayo", napapaisip na sagot naman ni Alison.

"Ah basta...ganun kami, wag na nga natin muna pag usapan yung lalaki na yun", halata naman ang pagkainis sa boses ng kaibigan.

"May LQ kayo?", may halong pang aasar nya pang tanong sa kaibigan.

"LQ? Wala, saka ang LQ for lovers lang yun hindi naman kami ganun", halata sa boses ng kaibigan na medyo tumamlay.

"Eh ano kayo kung ganun?", seryoso na nyang tanong dito.

"Hays! Ewan, hindi ako sigurado kung ano bang meron sa amin ni Theron", wika nito sa kanya.

"Oh sya sya, wag na natin pag usapan, pero mag iingat ka, alam mo na", paalala ni Alison sa kaibigan.

"Nag iingat naman ako palagi, pinapaalalahanan ko din si Theron lagi na gusto kong makapagtapos ng pag aaral", medyo masigla ng sagot nito sabay tingin sa kanya. "Ikaw din pinapaalalahan kita baby girl, alam ko naman na may something na kayong ginagawa ni Kuya Razen pero hangga't maaari wag ka magpapabuntis. Pareho tayong magtatapos ng pag aaral remember?", pagpapayo din sa kanya ng kaibigan.

Napatango na lang si Alison sa sinabi ng kaibigan, simula't sapol naging magkaibigan sila ay iisa na ang goal nila ang makagraduate, makahanap ng maayos na trabaho at magawa nila ang mga bagay na gusto nilang gawin.

Patuloy lang sila sa paglalakad palabas ng gate ng biglang may nakaagaw ng atensyon nya. Ang magaling na si Razen ay nakasandal sa gilid ng kotse nito habang parang may hinihintay sa labas ng gate ng school nila.

"Anteh! Yung Daddy Razen mo hinihintay ka yata.", may halong kilig pa ang boses ni Lea habang sinasabi 'yun sa kanya.

"Sssshhh, wag ka ngang maingay. Baka may makarinig sayo.", mahinang boses nyang pagsaway sa kaibigan na halatang tuwang tuwa pa sa reaksyon nya.

Napansin na lang nya na halos hilahin pa sya ng kaibigan papalapit sa gawi kung nasaan si Razen. Wala na syang nagawa dahil nakita na din sila ng lalaki. Hindi pa man sya nakakalapit sa pwesto nito ay ramdam na nya ang nakakapasong init ng titig nito. Para bang wala pa man ay alam na nya ang iniisip nito base na din sa tingin nito sa kanya.

"Hi Kuya Razen! Hinihintay mo ba itong bestfriend ko?", magiliw na wika agad ng magaling na si Lea. Medyo malakas pa ang boses nito kaya may ilan-ilang estudyante at mga dumadaan ang napalingon sa gawi nila.

"Yup! Kung wala kayong ibang lakad ay pwede ko bang hiramin muna ang kaibigan mo?", nakangiti pa nitong sagot kay Lea, maaliwalas ang awra nito ngayon hindi tulad noong unang beses nya itong makita.

"Sure! Wala naman kaming ibang gagawin, may pupuntahan din akong importante kaya pwede mo syang isama sayo", mabilis na sagot ng kaibigan kay Razen, at talagang mukhang mas excited pa ito na ipamigay sya sa lalaki.

"Be, una na ako sayo, ingat kayong dalawa", wika ng kaibigan habang nakatingin sa kanya. "Yung pinag usapan natin kanina, wag kang papabuntis", pabulong pa nitong paalala bago tuluyang magpaalam at umalis.

Ramdam nya ang pamumula ng kanyang mukha sa huling sinabi ng kaibigan. At talagang nasa isip na agad nito na may gagawin silang kababalaghang dalawa ng lalaki.

Naputol ang isipin nya ng bigla na lang syang higitin sa beywang ni Razen sabay dampi ng halik sa kanyang labi. Saglit lang iyon pero halos mawala na sya sa ulirat.

"Kain tayo, hinintay kita para sabay na tayong kumain baby girl", ang boses nito ay parang batang naglalambing.

"Sige, medyo gutom na din ako, san ba tayo kakain?", wika nya sa lalaki.

"Sa bahay ko na lang, para makapagpahinga ka din pagkatapos", nakangiti namang sagot nito.

Tumango na lang sya bago sya inalalayan ng lalaki papasok sa kotse nito. Habang nasa byahe sila ay napapatingin sya sa gawi ni Razen dahil kanina pa itong nakangiti habang nagmamaneho.

"Kuya Razen, okay ka lang? Kanina ka pa nakangiti dyan, masama na yan", natatawa nyang wika dito.

Hinawakan naman nito ang kamay nya at dinala sa mga labi nito at hinalikan iyon. Hindi nya mapigilan ang matinding pagtibok ng puso nya, pero pilit nyang binalewala iyon.

"Masaya lang ako kasi pumayag ka na sumama ulit sa bahay ko", nakangiting sumulyap ito sa kanya bago tumingin ulit sa daan.

"Sabi mo e doon tayo kakain, kaya sumama ako. Sayang din at libre", natatawa nyang sagot sa lalaki.

"Hmmm, pero parang may iba akong gustong kainin", nakangising sambit nito na parang nakakaloko.

"Hoy! Kung ano man yang iniisip mo ay wag mo ng ituloy. Pagod ako, para pa nga akong binugbog", wika nya dito sabay inirapan ang lalaki.

Natawa naman ng malakas ang lalaki dahilan para mapatingin sya sa gwapo nitong mukha. Mas gumagwapo talaga ito pag ngumingiti o tumatawa.

"Wala naman akong sinabi na iba, ikaw ha? Yan pala ang iniisip mo", wika nito habang tumatawa pa din.

"He!", binawi nya ang kamay dito at tumingin na lang sa labas ng bintana ng kotse nito. Nakakahiya parang sya pa ang nakakaiisip ng masama sa kanilang dalawa. Naririnig pa nya ang pailan ilang tawa ng lalaki na mas lalong nakakadagdag ng hiya sa kanya.

Habang nasa byahe sila ay hindi na namalayan ni Alison na nakaidlip na sya dahil na din siguro sa puyat niya noong mga nakaraang araw.