Kabanata 10

Pagkatapos nilang kumain kasama ang pamilya ni Alison ay wala na silang ginawa kundi ang makipag kwentuhan ng kung ano-anong bagay. Sinuggest din ng kanyang mga magulang na ipasyal nya si Razen sa kanilang lugar para naman daw maging pamilyar dito ang binata.

Tuwang tuwa naman ang lalaki dahil gusto din nitong makapamasyal sa kanilang lugar. Hindi man nya aminin sa sarili ay natutuwa sya dahil mukhang tanggap ng mga magulang si Razen. Kahit pa nga nalaman ng mga ito ang agwat ng edad nila. Basta pinayuhan lang sila ng mga magulang nya na hangga't maaari ay magtapos muna sya ng pag aaral.

Sumang ayon naman si Razen sa sinabi ng mga magulang. Isa iyon sa dahilan kung bakit mas humahanga sya sa lalaki. Masyadong mature ang pagiisip, aminado naman sya na minsan nagiging parang bata ito umasta pero pagdating sa plano sa buhay ay seryoso itong mag isip.

Pagkatapos nilang maghapunan ay agad na silang naghanda matulog, ito ang isa sa namimiss ni Alison sa kanilang probinsya. Mas nakakapagpa