Chapter 66-Reconcile

Naitapon ni Vanz ang cellphone matapos makausap ang reporter. Halatang natakot ito kahit wala namang ibang ikinanta ang taong kumuha sa larawan at ibinigay dito.

"F*ck, talagang hindi siya nagbibiro nang magbanta siya!" inis na bulong ni Vanz at parang sa sarili lang sinabi.

"Kuya, ano na gagawin ko kung makumpirma niyang ikaw ang may kagagawan niyon?" takot na tanong ni Diana sa kapatid.

"Malabong mangyari iyon dahil tiyak na hindi ako ikakanta ng reporter. Sadyang trabaho niya ang maglathala ng mga malicious na balita upang kumita. Kapag nagkamali siya, alam niya ang kaya kong gawin sa kaniya at pamilya niya." Matalim ang tingin ni Vanz sa kawalan habang kuyom ang kamao.

Kahit papaano ay nakahinga ng maluwag si Diana. Kung ruthless si Charles, hindi naman basta matatakot ang kapatid niya.

"Kailangan mo siyang maakit at kung kinakailangan pikutin ay gawin mo!"

Napapiksi si Diana sa kinatayuan at tumaas na naman ang timbre ng boses ng kapatid.

"Tama ang kapatid mo, Diana."

Napatingi