Book 2: Chapter 13-Pagpapanggap

Oras ng hapunan, dumating ang pamilya ni Mauro sa mansyon nila Diana. May dala ang mga itong pagkain at taong kasama bilang catering.

"Hindi na sana kayo nag abala pa sa pagdala ng pagkain." Nakangiting nakipagkamay si Vincent kay Kobe.

"Tradisyon na ito sa ating kultura." Pormal na tugon ni Kobe sa matanda.

Nagmistulang may malaking okasyon sa loob ng mansyon nang maihain na ang pagkain. Matapos maihain ang pagkain ay lumabas na rin ang mga staff.

Iginala ni Mauro ang tingin sa paligid nang makapasok na sila sa dining room. Kakain muna sila bago pag usapan ang tungkol sa kanilang kasal ni Diana.

"Pababa na ang apo ko." Pagbigay alam ni Vincent nang mapansin ang tingin ni Mauro.

Pahintamad na bumaba ng hagdan si Diana kahit alam niyang naroon na si Mauro, kasama ang pamilya nito. Ewan ba niya pero parang ayaw niyang makita ang binata at naiirita siya kahit iniisip pa lang ito. Inaantok din siya at ginising lang siya ni Meashell kanina.

Nangunot ang noo ni Mauro pagkakita kay Diana.