Book 2: Chapter 17-Kunsensya

"Sir, try niyo pong isuot sa daliri ng fiancee niyo ang singsing kung kasya ba." Suggest ng sales lady habang nakatingin kay Denise.

Kinuha ni Mauro ang singsing sa sales lady at lumapit kay Diana. Walang ingat na hinawakan niya ang palad nito upang isuot ang singsing sa daliri nito.

Pinigilan ni Diana ang dumaing sa sakit nang mahawakan ni Mauro ang kamay niyang namamaga. Binawi niya ang kamay mula sa pagkahawak nito ngunit lalo lamang hinigpitan kaya napapiksi na siya.

Nangunot ang noo ni Mauro at napatitig sa mukha ng dalaga. Halatang nasasaktan ito at mariing naglapat ang mga labi. Pagtingin niyang muli sa likod ng palad nito ay saka lang niya napansin na namumula iyon.

Mabilis na binawi ni Diana ang kamay at inilayo sa binata. "Ako na ang magsusukat." Inilahad niya sa harapan nito ang kanang palad.

"Ano ang nangyari sa kamay mo?" sa halip ay tanong niya sa dalaga at hindi ibinigay ang singsing.

"Nothing," malamig niyang tugon kay Mauro at nanatiling nakalahad ang palad dito.

Napa