Book 2: Chapter 16-Ring

Kinabukasan, pasado nine ng umaga na sinundo si Jade ng driver ni Mauro. Hindi na siya nagtanong kung nasaan ang binata. Kasama pa rin niya si Meashell dahil iyon ang gusto ng abuelo na pabor naman sa kaniya.

"Bakit dito tayo dinala?" tanong ni Meashell habang nakatingala sa isang malaki at mataas na building.

"Ito ang kompanya nila Mauro." Maiksing sagot ni Diana bago kumagat muli ng mangga. Pagtingin niya sa driver ay mukhang hindi na maipinta ang mukha at naasiman sa kinakain niya.

"Ang akala ko ba ay sa jewerly–"

"May importante pa pong pinuntahan si Sir Mauro kaya wala pa siya. Si Sir Kobe po ang nag utos na dito na lang muna dalhin si Ma'am Diana." Mabilis na paliwanag ng driver.

Inirapan ni Meashell ang driver at hindi siya pinatapos sa pagsasalita. Ngunit ngumiti lang ito sa kaniya. Mabilis na niyang itinabi ang ibang mangga at sinilid sa bag na dala para may makain ulit mamaya ang alaga niya.

Nagmadali nang bumaba sa sasakyan si Diana nang maalala na may kasunduan sila ngay