Kabanata 89

Marahang idinilat ni AJ ang kanyang mga mata, agad niyang naramdaman ang pagsakit ng kanyang tagiliran na natamaan ng bala dahil sa insidenteng panlalaban niya matapos ang pagdinig sa kanyang kasong pagpatay at pagsintensya sa kanya ng habang buhay na pagkakakulong kasama ang kanyang ina na nagtago sa kanya.

Unang hinanap ng kanyang mga mata ang kaniyang ina sa loob ng silid ngunit mukha ng dalawang masungit na pulis ang bumungad sa kanyang pagmulat.

“Mabuti naman at nagising ka na,” mataas at malaki ang tono ng boses ng pulis na nagsalita. Pumasok sa isip ni AJ ang nangyaring pakikipag-agawan niya ng baril at pangho-hostage niya kay Lalaine.

“Nasaan ang mama ko?” napuno ng pag-aalala si AJ para sa kanyang ina.

“Nandun na sa kulungan ang nanay mo at hinihintay ka na,” saad ng pulis sa kanya, nasi pang magtanong ni AJ tungkol sa kanyang ina subalit tinalikuran na siya ng mga pulis, lumabas ng silid at isinara ang pinto.

“Kumusta na ang pasyente sa room na ito, doc? Maaari na ba siyang