Kabanata 918

“Magkaibigan?”

Natawa si Shaun. “Ang ibig niyo bang sabihin ay isang taong nariyan palagi sa isang tawag lamang? Na kapag tumawag siya at hindi ako makararating agad ay gagawa na siya ng eksena? At pagkatapos ay kargo at responsibilidad ko pa ang seguridad at kasiyahan niya sa buong buhay niya?”

“Hindi naman…” Agad na sagot ni Sarah.

“Sarah, kailan ka pa naging ganito?” Naiinip na pagputol ni Shaun sa sinasabi ni Sarah. “Nagsasama lamang tayo noon, ni wala ngang nangyari sa atin. Ang dami ko pang ibinigay na pera at lupa noong naghiwalay tayo. Ngunit bakit palagi ka na lamang nagtatangkang magpakamatay sa tuwing ayaw kitang makasama?”

Pagod na siya sa lahat.

Pagod na siyang buhatin ang responsibilidad na pasiyahin at aliwin si Sarah hanggang nabubuhay siya.

Pagod na siyang saktan nang paulit-ulit si Catherine nang dahil kay Sarah.

Nagulat si Sarah sa tindi ng emosyon ng lalaki. “Hindi mo ako nauunawaan. Gusto kong mamatay dahil… nadudumihan ako sa aking sarili. Shaunic, mahal ki