Kabanata 2

Nagbuntong hininga ako habang umuupo sa sofa namin sa sala ng datnan ako ni Gab galing sa kwarto niya.

" Oh kamusta? Bakit parang hindi pa man losyang ka na." Tanong niya sa akin. Umirap ako sa sinabi niya.

" E pano kasi yung nililinis kong condo dun sa ano-"

" ANO?" Tumingin ako kay Gab na magkasalubong ang kilay na hinihintay ang sagot ko.

" Yung sinampal ko nung nakaraan. " mahina kong tugon.

" ANO?"

" Ano ba wag kangang sigaw ng sigaw!" Naasar kong sabi.

" Nakilala ka ba?"

Tanong niya. Umiling ako ng mabilis at saka siya huminga ng malalim.

" E yun naman pala e. Wala naman palang problema."

" Pero kasi tuwing nakikita ko siya para akong-"

" Sandale! Sabihin mo nga sa akin, binastos ka ba?" Tanong niya at umupo sa tabi ko.

" H-hindi."

"  E bat mo sinampal?" Napakagat ako sa daliri ko.

" Na-nadala lang ng emosyon.  Saka, siya daw may ari noong hotel." Dagdag ko.

Nanlaki ang mata ni Gab at napatakip sa kanyang bibig na para bang malaki ang kasalanang ginawa ko.  Binatukan niya ako kaya napatingin ako sa kanya ng masama.

" Ano ba!" Anas ko.

" Bakla hindi mo kilala kung sino siya? Nasa earth kapa Sapphira."

" Huh?"

" My god!" Hinilamos ng kanyang dalawang kamay ang mukha niya. " Si Mr. Tross Jackson Del Rio iyon, sa dami ng pwede mong sampalin bat siya pa?"

Tross Jackson? Pangalan ng babaero.

" Sympre nasaktan ako e!" Naaasar kong tugon, at ano ngayon kung siya ang may ari noong hotel and casino na yun? What's the big deal?

" Hindi mo ba alam?"

" Ang alin? Yayaman ba kami ng anak ko pagnalaman ko?" Napangiwi si Gab at binatukan akong muli. " Nakakarami kana ha!"

" Gaga. Isa yan sa mga parokyano sa bar ni Auntie. Laging mataas ang kita kapag nasa VIP bar namin sila, kumbaga sa diyamante siya iyong pinakaiingatan namin kasi malakas ang impluwensya sa babae pati sa mga businessman."

" And so what?"

" Sinampal mo siya bes? Jusko buti nalang hindi iyon nagreklamo." Aniya na parang sasakit ang ulo. " Ano ba kasi ginawa sayo? Binastos ka? Sa gwapo niyang yun ako na, ako na ang kusang magpapaubaya."

This time ako naman ang nagbatok sa kanya. " Stop it Gab. He deserve that slap, well kung magrereklamo siya ako ang haharap sa kanya. Sinaktan niya ko! Masyado akong naging mababa sa paningin niya. "

" Sapphira..."

" Gab I'm sorry, I just can't help it. Alam ko ininform mo na ako for so many possibilities. I'm prepared, pero ewan ko nung narinig ko yun na siya mismo nagsabi sa harap ko na para akong bayarang babae. Nasaktan ako Gab, sampal sa akin yun." Bumuntong hininga si Gab bilang pagsuko at inakbayan ako.

" I'm sorry. Nagulat lang kasi ako, sabi ko naman kasi sayo bakla diba? Wag kanang sasali sa ganyan."

Umiling ako ng mabilis at tumingin kay Gab. " No, tama naman siya eh. I'm doing that for Sam, I can do everything para sa anak ko. Gab gusto ko sanang magtrabaho ulit sa bar as a waitress."

" Sapphira diba pinagsabihan na kita?"

" Part time lang naman. Every other day naman yung pasok ko sa work hindi sapat yung pera Gab, I want to study, I want to continue may degree at hindi ako makakaipon kulang iyong sasahurin ko sa paghohousekeeper. This time I'm also doing this for me. Please."

" Hindi ko na alam ang gagawin sa iyong babaita ka. Kung oofferan naman kita ng pera alam kong tatanggihan mo. Ano bang gusto mo?"

" Monday, wednesday and friday ako pwede kahit part time lang sana alam mo na para magincome din."

" Sige sige ako na bahala sayo pero yung suot mo ayusin mo wag kang magalala mas maraming bouncer na kami. Saka sanay ka na man diba? Sa VIP kita ilalagay kasi doon mas sumusunod sila sa rules ng bar." Ngumiti ako at tumango.

Madalas kasi sa VIP bar nila ay sikat na artista o mga modelo ang mga nandoon, tapos mas malaki ang tip. Lumawak ang ngiti ko sa pagiisip na iyon.

Maaga akong pumasok sa hotel dahil na rin sa text ng isa sa head na humahawak sa mga housekeeper department na si Ma'am Mich kailangan ko daw pumasok ng maaga dahil may darating na Auditor.

Pagpasok ko sa mga locker namin ay lahat sila ay aligaga.

" Dalian mo ngang magbihis dyan bat kasi nagmake-up kapa!" Anas ng isang kasamahan namin na mukhang kasing tanda ko lamang.

" E pano kasi malay ko bang kasama din si Mr. Jackson, My god!" Sagot naman ng isa na parang mas bata sa isa. Kumislap pa ang mata nito ng sabihin ang pangalan ni Mr. Tross Jackson.

Umirap nalang ako at nilagay ang gamit ko sa locker.

" Uy, bago kapa lang?" Tumingin ako sa babaeng nagsalita kanina. 

" Ah, oo. Part time lang kasi."

" Oh? " Tumingin siya sa mga aligagang housekeeper na kasama namin. Silang dalawa lang ang bata sa mga kasama ko halos kasi ang parang retirado na at matagal na dito. " Ako nga pala si Kyla, ito naman si Mona." Turo niya sa isang nagaayos ng kilay.

" Ah hello. Ako nga pala si Sapphira." Ngumiti ako at nakipagkamay. Mas okay na rin na may kakilala ako sa mga kasamahan ko para naman hindi ako kawawa.

" Sapphira? Wow. Ang ganda naman ng pangalan mo." Ani Mona na binaba ang salamin na hawak niya. " E ano hawak mo? Bet ko isa lang hawak mo no kasi part time ka lang eh."

"  Ah oo. Iyong last condo dito." Sabi ko at sinara na ang locker ko. Pagtingin ko sa kanilang dalawa ay nanlalaki ang mga mata nilang nakatingin sa akin.

" Oh my!" Sabi ni Kyla na tinakpan pa ang kamay niya na parang hindi makapaniwala.

" Ang swerte mo girl!" Tili naman ni Mona at inalog alog pa ang kamay ko na akala mo ay close na kami.

" E, anong swerte doon?" Paglilinaw ko.

" Yun yung condo ni Mr. Jackson" Tumango ako bilang pagtugon.

" Ang gwapo kaya niya! Alam mo bang madalang ko lang siyang makita dahil madalang lang siyang lumalabas sa office tapos kapag pa umaakyat na siya sa condo niya e sa VIP elevator pa ang ginagamit niya." Ani Mona na nakasimangot.

" Totoo yun madalang mo lang makita." Sabat naman ni Kyla.

" Tama na yang paguusap niyo at kayo'y lumabas na dyan. " Singit ng isang may katandaang kasama namin.

Sinimangutan naman nilang dalawa ang sinabi ng matanda at lumabas na. Halos nakauniporme ang mga iba at ang iba naman ay nakapantalon at puting t-shirt na kamukha ko.

Maging sa HR at mga receptionist ay sobrang excited at aligaga sa pagaayos ng mga gamit nila. Umirap ako at napailing.

Kung kailan alam nilang may Auditor doon palang sila magaayos? Seriously? Para ano para makita ng boss na ginagawa nilang mabuti amg gawain nila? Where in fact pwede naman nila itong ayusin una palang.

" Labas na kayong lahat ayusin niyo ang mga damit niyo." Sigaw ng nakakatandang babae na siyang naginterview sa akin sa HR.

Lahat ng department na nasa baba ay lumabas para tugunan ang pagdating ng auditor. Lumapit ako sa kinatatayuan nila Mona at Kyla na nagaayos ng buhok.

" Sobrang sungit ba iyong Auditor kaya ganito lahat sila magreact?" Wala sa sarili kong tanong kay Kyla na nasa tabi ko.

" Hindi kapag yung auditor lang ang darating hindi kami ganoon nagaayos kaso kasi parang kasama niya iyong kapatid ni Mr. Jackson na si Ms. Cassandra sobrang sungit kasi noon parang si Mr. Jackson."

" Ms. Cassandra? Hindi ko pa siya nakita. " Nagbuntong hininga silang dalawa sa akin at napailing.

" Wag mo nang kilalanin kasi ang pangit din ng ugali noon." Sabi naman ni Mona.

Tumango ako at tinignan lahat ng empleyado na nakatayo simula sa tapat ng pintuan ng hotel. Para kaming body guard at hinihintay ang pagdating ng Hari.

Mas lalo silang naging kabado ng may humintong white van sa tapat ng entrance. Medyo may kalayuan pa kami sa entrance ng hotel pero lahat sila ay tumahimik na.

Yumuko lahat sila maging ang mga iilang manager.

" Sapphira ano ba!" Anas sa akin ni Kyla at pinayuko ako. Kaya hindi ko nakita ang pagbaba nila sa van.

" Ano ba bat tayo yumuyuko?"

" Ts. Bilang paggalang ano ka ba." Anas ni Kyla sa akin at pinaglakihan ako ng mata.

Nangiwi ako dahil nahihirapan ako sa pantalon na suot ko, college pa ko ng binili ito ni Mama para sa akin kaya medyo masikip na. Hindi na rin ako gaano nakakabili ng damit para sa akin, dahil mas priority ko ngayon si Samuel. Napangiti ako ng maalala ko ang anak ko.

May naririnig na akong takong at mga hagikgik ng mga babae na hindi ko alam kung bakit.

Nahihirapan ako sa pagyuko ko kaya tumayo muna ako ng mabuti para sana ayusin ito.

Pagtayo ko ay nagulat ako dahil malapit na pala sa gawi namin ang mga ito. Lima sila. Mayroong isang sopistikadang babae na naka fitted black dress at sumisigaw ng karangyaan ang kanyang mga alahas. Sobrang kinis ng balat nito. Habang sa tabi naman niya ay nandoon ang pamilyar na mukhang nakakunot ang noong nakatingin sa akin at tatlong lalaking nasa likod nila na nakasuit.

Napangiwi ako ng kurutin ako sa kamay ni Kyla.

" Ano ba Sapphira!" Bulong nito na ramdam ko ang pagaalala sa kanyang tinig.

Kumabog ang dibdib ko at inaamin ko na kinakabahan ako ng titigan ako ng maaaring si Ms. Cassandra iyon. Gumuhit ang pagkainis sa kanyang mga mata.

She smirked and shook her head. Matalim niya akong tinignan at huminto siya sa harapan ko. Kaya maging si Mr. Tross ay napahinto din.

" Let's go Cas." Ani Tross na hinawakan pa ang siko ng kanyang kapatid.

" No wait."

Naramdaman ko na ang kaba ni Kyla kaya maging ako ay ang lakas ng kabog ng dibdib. Nagbubulong bulungan na at dahil iyon sa akin. I'm dead. Sana ay bumuka ang sahig at lamunin nalang ako nito sa kahihiyan. Yumuko ako ng bahagya dahil sa kahihiyan.

" Sapphira Frial." May pait sa boses ni Ms. Cassandra ng banggitin niya ang pangalan ko malamang ay nabasa niya ito sa i.d. na suot ko. Nagbuntong hininga siya at humalukipkip. " Bago ka palang dito?" Maging ang pagsasalita niya ay makikita mo ang pagiging professionalism niya.

" O-opo."

" Obviously, hindi mo alam ang proper manner." Anas niya na inis na inis na. Tumingin ako sa maganda niyang mukha kahit na nakakunot ang noo nito.

" I'm sorry po, masikip po kasi ang-" nakagat ako sa labi ko ng mas lalo pang nainis ang kanyang mukha.

" Hah! I'm not asking you anything kaya wag kang sumasagot sagot!"

" Cas stop it." Narinig kong bulong sa kanya ni Tross.

" What do you want me to do Kuya? Naiinis ako e." Ang bilis na ng tibok ng puso ko ng tumingin ako kay Tross na seryosong nakatingin sa akin. Bumuntong hininga pa ito.

Umirap si Ms. Cassandra sa akin. " Ms. Mich?"

" Y-yes po Ma'am?" Tumayo ng tuwid si Ma'am Mich at sobrang putla.

" Siya ang paglinisin mo ng bodega." Tumingin siya sa akin ng masama. " For one week. Walang tutulong sa kanya. That is what rude people deserve for not respecting their boss. " Aniya at ngumisi pa bago tumalikod.

Tumingin sa akin si Tross ng seryoso at naglakad na rin. Nasapo ko ang dibdib ko ng nakaalis na sila. Nakahinga ako ng maluwag, kanina ko pa pala pinipigilan ang aking paghinga.

" Ang kulit mo kasi Sapphira e, ayan tuloy." Naaawang sabi sa akin ni Kyla.

" You can now go back to your work." Sabi ng isang dept manager.

May mga tumitingin sa akin at nagbubulong bulungan, mayron naman na wala naman sa kanila ang nangyari na parang ordinaryong pangyayari lamang.

" Nakita mo ba si Mr. Jackson? Grabe!" Ani ng isang receptionist sa kasama niyang kinikilig tulad niya bago bumalik sa pwesto nila.

" Sapphira." Napatingin ako kay Ma'am Mich na masama ang tingin sa akin. Bumuntong hininga ako at lumapit sa kanya.

" Ano po?"  Kinakabahan ako ng bumuntong hininga siya at pumasok sa loob ng department. Tinignan ko muna sina Mona at Kyla na nagaalala sa akin at sumunod na sa loob.

Hindi ko alam kung anong mali sa ginawa ko, tumayo lang naman ako para ayusin ang pantalon ko dahil nahihirapan ako. Ano bang gusto nila? Na mahirapan akong huminga? Para yun lang nagalit na siya? Mayaman nga naman talaga.

" Hindi mo ba kilala iyong kausap mo kanina?" Nanggagalaiting tanong ni Ma'am Mich sa akin pagpasok palang namin sa opisina niya.

Hindi niya ako hinayaang magsalita bagkus ay binagsak niya ang kanyang kamay sa lamesa  at tumingin sa akin ng masama. " Siya lang naman si Ms. Cassandra Del Rio." Huminga ng malalim si Ma'am Mich at umupo sa kanyang upuan.

" Masyado iyong maarte sa lahat ng bagay, kahit konting pagkakamali nakikita niya." Ngayon ay mas malumanay na ang kamay boses. Huminga siya ng malalim at umiling.

" Pasensya na po Ma'am.''

" Sapphira, bago ka palang dito. Wag mong hahayaang masira ka sa paningin niya kundi siya mismo ang makakalaban mo. Kahit na anong rason ang sasabihin mo hindi ka niya pakikinggan. Sapphira ganoon ang mayayaman, kailangan mong makisama kasi kailangan mo ng trabaho. Hindi ba?"

" O-opo Ma'am kailangan ko po talaga ito! Pasensya na po Ma'am hindi ko po talaga sinasadya."

" Alam ko, kahit naman sinong makausap ko na napagbubuntungan niya ng galit ay ganoon ang sinasabi. Wag kang mainis sa akin dahil nagagalit ako sayo. Concern lang ako sa kalagayan mo. Kailangan mong masanay dito at sundan ang bawat panuntunin dahil ikaw din ang mahihirapan. Wag kang magalala hindi siya madalas bumisita dito. Pero sa susunod kailangan alam mo ang gagawin mo."

" Opo. Ma'am." Nakahinga ako ng maluwag sa sinabi sa akin ni Ma'am Mich hindi naman pala siya tulad ni Ms. Cassandra na masungit. Siguro sadyang nasanay na siya sa atmospera dito.

Tama siya kailangan kong makisama lalo na sa mga boss ko. Itinuro niya sa akin ang lilinisin kong bodega at napaka laki at dumi nito dahil nandito lahat ng mga ginagamit tuwing may events sa hotel.

Pagkatapos ko nalang daw sa paglilinis sa condo ni Tross ay doon ako pupunta sa bodega. Isang buong linggo din akong papasok, dahil narin sa utos ni Ms. Cassandra. Hindi ko naman kailangan magalala dahil sabi sa akin na Ma'am Mich ay may bayad naman daw ako. Mas maganda pala iyon para naman ay madagdagan ang sahod ko kahit papano. Kaya kakausapin ko si Gab at baka next week nalang muna ako maguumpisa sa racket ko.

Huling araw ko na ito ng paglilinis sa bodega at patapos na rin ako, sanay na ako sa paglilinis kaya kahit ako magisa ay hindi naman ako masyado nahihirapan pero mas mapapadali kung may kasama ako.

Binuksan ko ang condo ni Sir Tross at sumalubong ang amoy ng ginigisang bawang. Parang kahit na kumain ako sa bahay ay nagugutom ako sa amoy nito.

Ilang araw na akong naglilinis dito at madalas siyang wala pero ngayon ay mukhang nandito siya. Naglakad ako patungong sala at mas naamoy ko ang niluluto nitong sinangag.

Napasapo ako sa aking ulo ng makita ang nagkalat na bote ng alak at junkfood sa center table at gulo nito. Kakalinis ko palang nito kahapon at maglilinis nanaman ako ngayon, sa totoo lang sa isang linggo kong paglilinis dito ay palagi nalang ganoon ang dinadatnan ko. Kung hindi ang mga damit niya ay mga kalat naman ng pagkain! Bwiset!

Nananadya ba siya? O sadyang makalat lang talaga tong tao na'to! Umirap ako sa kawalan sa sobrang inis.

Iniwan ko ang dala kong cart ng mga panlinis at pumunta sa kusina.

Napalunok ako ng makita ang walang saplot na si Tross na nakaharap ang malapad nitong likod sa akin. Nakagat ko ang labi ko ng masuri ang kabuuan nito ang magandang hubog na pangangatawan nito, ilang oras kaya ang ginugugol nito sa gym para makuha ang magandang katawan na iyan.

Tumikhim ako para makuha ko ang antensyon niya ngunit hindi man lang niya ako binigyan ng kahit sulyap lang. Napabuga ako ng hininga at napangewang.

" Excuse me po." Malumanay kong sabi ngunit hindi man lang niya ako pinapansin masyado siyang busy sa paglilipat ng pagkain sa plato niya.

" Sir Tross." Tawag ko na may diin sa bawat letra. Napaatras ako ng tumingin siya sa akin ng masama.

Masyado yata akong naging bossy pakinggan. Wrong move.

Humarap siya sa akin at nilapag niya ang plato niya sa table this time ibinigay na niya ang buong atensyon niya.

Nakasuot siya ng kulay red na apron. Napangiti ako dahil nagmumukha siyang bata sa suot niya. Kumunot ang noo nito at inalis ang apron na suot niya at nilapag din sa mesa.

This time I saw his sweaty sexy body, his six pax  abs. Napalunok ako at tumingin sa kawalan. Ano ano nalang ang naiisip ko at nagkakasala ako masyado.

" Are you calling me?"

" Ah-" Napahinto ako at inalis sa isip ang pagnanasa sa kanya. Sandale? Pagnanasa? Kailan ko pa siya pagnanasaan pwede ba Sapphira get a hold of yourself.

" Hindi ka ba marunong magtapon ng basura mo sa basurahan? For one week kong naglilinis dito lagi mo nalang ginugulo ang sala." Naiinis kong pahayag. He gave me a devil smirked saka siya umupo sa upuan.

" The last time I checked you are my housekeeper. Who are you to tell me what I should do?" Mayabang niyang tanong at tumaas ang kaliwang kilay nito.

Napakurap ako sa sinabi niya at akmang magsasalita ngunit mas pinili ko nalang kagatin ang labi ko. Oo nga naman sino nga ba naman ako? Nagbuntong hininga ako at iniwan siyang kumakain.

Napapadyak ako sa cart ng marealize ang sinabi niya masyadong nakakahiya iyong sinabi ko. Oo nga pala ay siya ang may-ari nito, and worse hindi lang ang condo maging ang buong hotel and casino na nakapaligid dito.

Inumpisahan ko ng linisan itong muli. Sa anim na araw na nagsunod ay sobrang pagod ko. Kapag umuuwi ako sa bahay ay kumakain nalang ako at natutulog. Hindi ko na masyadong nilalaro si Samuel nagseselos nanga iyon sa akin dahil hindi ko na gaanong binibigyan pansin. Kung tutuusin ay kailangan kong ayusin ang oras ko sa trabaho, sa bahay at sa anak ko.

Umupo ako sa sala ng matapos na akong maglinis. Gutom na gutom na ako. Napatayo ako ng bumukas ang pintuan ng kwarto ni Tross at iniluwa siya nito.

" Are you done? My room is in a mess you need to clean it." Wala sa sariling sabi niya. This time ay nakaayos na siya at mukhang papasok ng opisina. Alas dyes na at para yatang nalate siya ng pasok ngayon.

Tumayo ako at hinarap siya. " Ah- Sir kasi..." hindi pa ako nakapagsasalita ang kumulog na ang tyan ko sa gutom. Napangiwi ako sa kahihiyan.

Napahinto ako ng maglaro ang ngiti nito sa mga labi niya. Narinig ko na siya tumawa noon, pero ngayon ko lang siya nakitang tumawa mas gumagwapo pala siya kapag nakangiti. Lagi nalang kasing magkasalubong ang mga kilay niya.

" I have food in the fridge."

" Ah hindi na po, nagbabaon po ako Sir. " sabi ko at hinawakan ang tyan ko.

Tumaas ang gilid ng kanyang labi at napailing. " It was my first time offering a food, but you rejected me, woman."

Lumukso ang dibdib ko ng marinig sa kanya na ako palang ang una niyang inofferan ng ganoon.  Hindi naman sa ayoko nahihiya lang ako dahil naalala ko boss ko din pala siya.

" Sapphira po, Sapphira ang pangalan ko." Sabi ko ng nakangiti at inilahad ang kamay ko sa harap niya.

Natawa ako ng pagak ng hindi man lang siya naglahad ng kamay niya. Tinignan ko ang kamay ko, naghugas naman ako ng kamay pagkatapos kong naglinis ng sala. Binaba ko ito at tumingin sa kanya na nakatingin sa kamay ko. Baka ako palang ang unang niyang inofferan sa mga naging katulong niya sa condo niya. Hindi sa lahat, masyado naman yata akong nagoverthink sa sinabi niya.

" Pasensya na po. " saad ko at umalis sa harapan niya. Kinuha ko ang cart na dala ko at saka umalis na sa condo niya.

Nanikip ang dibdib ko pagpasok ko sa elevator. Biglang nagbago ang timpla ko at nawalan ng ganang kumain habang kanina ay gutom na gutom ako.

Bumalik sa alaala ko iyong babaeng pumunta noon sa condo niya, Trinity? Kung hindi ako nagkakamali.

Naalala ko kung papano niya ito hawakan sa kamay at haplusin ang baba nito. Tumingin ako sa salamin ng elevator. Hinawakan ko ang aking mukha. Maayos naman ang buhok ko medyo pawis nga lang.

Kung bang kasing level ko si Trinity ay makakaya niya bang hawakan ang kamay ko? I felt low for that. Mas lalo kong nakikita na mas imposibleng maging magkaibigan ang mga mayayaman sa mahihirap na gaya ko. Ang layo layo ng antas na tinatayuan ko sa kinatatayuan niya.

Dati pa naman ay nilalayo ko na ang loob ko sa mga mayayaman ayoko na maulit ang dati. Ayoko ng maalala ang mga nangyari, mas lalong sumisikip ang dibdib ko kung papano ako binago ng kahapon. Mas matapang at mas handa sa bawat laban ng buhay.

Dahil natutunan ko kung papano tumayo magisa sa buhay. Tama nga sila, na kailangan mong matutong mag-isa para kung sino mang mayaman na aapi sayo, kaya mong lumaban. Pero sa kalagayan ko ngayon wala pa akong maipagmamalaki dahil hindi pa ako nakakapagtapos.

Pinapangako ko na pagnakapagipon ako magaaral ako para sa sarili ko. I need to grow up and be fruitful in my life. Para rin iyon sa anak ko, gusto kong ipagmalaki niya ako sa mga kaibigan niya.

Sa hindi ko malaman na dahilan ay gusto kong pumantay kay Tross, I want to be a woman na babagay sa pangalan niya.

Napailing nalang ako sa naisip ko dahil alam kong imposible. Kailangan ko nalang isiksik sa isipan ko na hindi yun pwede. Iiwas nalang ako dahil ako din naman napapahiya for being friendly.

You know Sapphira na hindi  ka mayaman, at hindi iyon kasalanan.