Chapter 73

NAGTINGINAN muna sina Tanner at Brandon bago tumango sa isa’t-isa at sabay nilang sinipa ang pinto na nasa kanilang harapan. Mabilis nilang itinutok ang kanilang baril sa loob at pumasok sa loob kasabay sina Lawrence, Clark, Tyler at Melany. Ngunit natigilan sila ng makitang walang tao doon kundi si Billie lamang.

“Billie!”

Mabilis na tumakbo si Brandon papunta sa kaniyang anak at niyakap niya ito ng mahigpit. Mukang nakilala naman ng kapatid nito ang boses ng kaniyang daddy kaya kusang dumilat ang mata nito.

“May masakit ba sa’yo? May sugat ba kayo?! SI Ken, kumusta siya? Shhh andito na si daddy anak,” kausap nito kay Billie at kalaunan ay kay Ken.

“Wala po akong sugat daddy o kahit ang kapatid ko. Maayos naman po kami,” nakahinga ng maluwag si Brandon dahil sa sinabi ng anak ngunit agad na naalala ang taong gumawa niyon sa mga ito kaya napatayo siya.

“Nasaan na siya? Nasaan na ang taong dumukot sa inyo? Saan sila tumakas?!” agad na kumulo ang dugo ni Brandon dahil hindi niya pa