Chapter 51

“SAAN ka pupunta Anastasia?”

Napalingon si Anastasia sa nagsalita at nakita niya si Emily at Tyler. Ngumiti siya sa dalawa at umiling.

“Pupuntahan ko lang sana sina Brandon at Lawrence, hindi ko pa sila nabibisita,”

“Kung ganon sino ang kasama—” hindi natapos ni Tyler ang sasabihin niya ng lumabas ‘din si Serene mula sa loob ng silid ni Tanner at napangiti ito agad ng makita ang mag-asawa na kausap ni Anastasia.

“Ako ang kasama niya, ‘wag kayong mag-alala ‘diko papabayaan ‘yan. Halika na,”

Iniwan na nila ang dalawa doon at naglakad na papunta sa floor kung nasaan ang mga ito. Habang nasa elevator ay napabuntong hininga si Serene ng hindi manlang nagsasalita si Anastasia. Hinawakan niya ang kamay nito kaya napalingon sa kaniya ang babae at nagtataka siya nitong tinignan.

“Magiging ayos lang ang lahat, ‘wag kang masyadong mag-sisip. Alalahanin mo dalawa kayo,”

Hindi na napigilan ni Anastasia na maipakita ang malungkot na expression sa kaibigan, kahit anong gawin niya na pagpipigi