CHAPTER 31 [PART ONE]

“ARE you telling me this, para masira ang relasyon namin?” Natatawang tanong ni Anastasia na siyang ikinailing ni Daisy. “Pwes hindi ka magtatagumpay.” Tumalikod na si Anastasia pagkasabi niya niyon ngunit pinigilan siya nito.

“Sandali Anastasia, pumunta ka dito sa address na ito. Jan mo malalaman ang totoo.” Mayroong inilagay si Daisy na isang maliit na papel sa kamay nito kung kaya napalingon siya dito. “Pagkapunta mo jan tyaka mo sabihin saakin kung ginagawa ko ito para sirain kayo.” Ngumiti ito sa kaniya at iniwan na siya doon.

Nakatanaw lang si Anastasia sa papalayong pigura ni Daisy. Nang mawala ay sa papel na nasa kamay naman niya ang tinignan at binasa iyon. “Bar?” nagtataka niyang tanong sa sarili ng mabasa iyon. Muli siyang napatingin sa dinaanan ni Daisy at napakuyom ng kamao.

***

KAPAPASOK lang ni Anastasia sa isang bar at malakas na tugtog agad ang sumalubong sa kaniya. Puno ng tao ang loob ng bar lalo na sa dancefloor na sobrang daming nagsasayaw at nagkakasiyahan.