Basted

"Umuwi ka na!" dali-daling tumayo si venus at isa-isang pinulot ang damit sa sahig.

"Bakit?" hindi alam ni Diego kung bakit nag-iba ang mood ni Venus.

Hindi siya sinagot nito,

Pumasok na ng k'warto si Venus habang si Diego ay naiwang tulala sa sala.

Agad din naman itong nagbihis at umuwi.

KINABUKASAN,

Maagang gumising si Diego para dalan ng almusal ang dalaga. Bumili ito ng pandesal at kape. Hiniram niya ang bike ng kaniyang tita at saka excited na pumunta sa bahay ng dalaga.

Sa nangyari sa kanila kagabi ay mas lalong tumindi ang pagkagusto ng binata sa dalaga. Nanghinayang nga lang siya ng naudlot ang kanilang pag-iisa.

"Tao po! Venus?"

"May kumakatok," wika ni Glo kay Venus.

Hindi kumibo ang dalaga.

Tumayo si Glo upang pagbuksan ang tao sa labas.

Si Glo ay ang matalik na kaibigan ni Venus.

"Diego, ang guwapo mo naman, halika pasok ka!" niyaya ni Glo ang binata na pumasok sa loob at pinaupo ito sa sala.

"Venus, may bisita ka." tumayo si Glo upang tawagin si Venus.

"Sabihin mo wala ako!" utos nito kay Glo.

Nagulat ang dalawa nang makitang nakatayo si Diego sa may kusina. Narinig nito ang sinabi ni Venus.

"Pinagtataguan mo ba ako?" tanong ng binata habang namumula ang mga mata. Hindi alam ni Diego kung bakit nagkakaganito si Venus samantalang kagabi lang ay kamuntik na silang mags*x.

"Alam mo Diego umuwi ka na, wala kang maasahan sa 'kin." pagtataray ni Venus sabay tingin sa hawak na plastic ng binata. "H'wag ka ng mag-abala pang magdala ng pagkain, ipunin mo na lang ang pera mo!" sabay turo nito sa dala ng binata.

"Hindi kita maintindihan," walang idea si Diego sa pinupunto ng dalaga. "Ano ba ang problema? Tara, mag-usap tayo!" hinila ni diego si venus, at pilit hinuhuli ang tingin nito.

"'Di mo ba naiintindihan? Hindi kita type, h'wag mo na akong kulitin! Itigil mo na ang panliligaw mo sa 'kin."

Hindi alam na Diego ang sasabihin, gusto niyang umiyak sa harap ni Venus at magmakaawa. Mahal na mahal niya ang dalaga at ngayon ay pinutol na nito ang pag-asang maging sila.

Walang ng nasabi pa si Diego, nilapag nito sa lamesa ang supot na may lamang tinapay at kape. Nabilis niyang tinungo ang pinto para hindi makita ng dalaga ang mga luhang kanina pa gustong tumulo.

Nakaramdam ng lungkot at awa si Venus para sa binata. Para sa kan'ya, kailangan niyang lumayo na sa binata dahil nahuhulog na rin siya rito.

Kung naging mayaman lang sana si Diego ay tiyak papayag siyang angkinin nito.

Naudlot ang dapat sanang manyayari kagabi matapos marinig ni Venus ang kalansing ng barya na nahulog mula sa bulsa ng binata.

Sawa na kasi siya sa barya, ang nais niya ay yumaman o di kaya ay makapangasawa ng mayaman.

Naawa si Glo para kay Diego, kitang kita nito ang lungkot sa mata ng binata.

"guwapo naman si Diego, bakit binasted mo?" nanghihinayang na wika ni Glo.

Tumayo si Venus sa kaniyang kinauupuan at lumakad patungo sa harap ng salamin.

"Alam mo Glo, sa hirap ng buhay ngayon dapat praktikal na tayo. 'Di tayo mapapakain ng kilig-kilig na 'yan." paliwanag niya kay Glo habang nakaharap sa salamin.

"Sabagay," tipid na wika ni Glo. Lumapit ito kay Venus, tinapik ang balikat nito sabay sabing "ang akin lang naman, dahan-dahan ka sa mga binibitawan mong salita. Alam mo naman na patay na patay sa'yo 'yung tao na 'yon. Baka magpakamatay 'yun, sige, kunsensya mo rin."

Isa si Diego sa napakaraming lalaking nahuhumaling kay Venus. Si Diego ay kasing edad lamang ni Venus at nakikitira lamang sa kan'yang tiyahin dito sa Bulacan.

"Totoo naman ang sinabi ko ah, na wala siyang maasahan sa 'kin." binasted ni Venus si Diego matapos niyang marealize na hindi si Diego ang lalaking karapatdapat sa kan'ya.

"Oo, pagpalagay mo ng gano'n, pero sana in a nice way mo sinabi sa kan'ya."

Hindi na nakakibo si Venus sa sinabi ng kaibigan niyang si Glo, maya-maya ay may kumatok sa kanilang pintuan.

"Tao po!" wika ng tao sa labas.

Dali-daling sinilip ni Glo kung sino ang kumakatok sa labas ng pintuan. Nanlaki ang mata nito nang makitang ang tao pala na nasa labas ay ang anak ng kanilang Kapitan.

"Venus, mag-ayos ka, dali!" nagmamadaling kinuha ni Glo ang liptint sa bag at inabot iyon kay Venus.

"Sino ba kasi 'yan?" iritang tanong ni Venus sa kaibigan habang nag-aapply ng liptint.

"Anak ni Kap." bulong ni Glo.

"Omg, buksan mo na 'yung pinto!" utos ni Venus. Habang kunwaring abala sa pagbabasa ng libro.

"Pasok po kayo," wika ni Glo.

Preskong pumasok sa loob ng bahay nila Venus ang nasabing anak ng Kapitan. Mayabang ang datingan nito at med'yo bastos.

"Upo ka!" aya ni Venus sa lalaki. Tumango ito at naupo sa tabi ng dalaga.

"Hi, Venus!" bati ng binata. Agad nitong inakbayan si Venus na parang inaari na ang dalaga.

"Ah, eh," bahagyang lumayo si Venus at inalis ang kamay ng lalaki. "Ano nga pala ang pangalan mo?" tanong nito sa binata.

"Ralph, Ralph Lopez," pakilala nito sabay de-kuwatro.

"Ahh Ralph, bakit ka nga pala naparito?" diretsahang tanong ni Venus.

Maya maya pa ay lumapit sa kanila si Glo habang hawak ang tray na may lamang pandesal at kape. "Kain muna kayo." sabay lapag ng tray sa lamesita.

Pagtalikod ni Glo ay saka palang nagsalita si Ralph. "'Andito ko para imbitahin ka sa makalawa. Birthday ko, gusto ko ikaw ang maging kapartner ko." sabay tayo. "I will take no for an answer!" wika nito bago tuluyang lumabas ng pinto.

Kahit nayayabangan, pumayag pa rin Venus na maging partner siya ni Ralph sa darating na birthday nito.

"May pagka mayabang, hanu?" puna ni Glo matapos umalis ni Ralph.

Napatitig naman si Venus sa pandesal at kape na nakahain sa lamesita.

Napansin iyon ni Glo, "mabuti pa 'tong si Diego na sinasabi mong walang pera ay kahit papano nagdala, samantalang 'yang anak ng Kapitan na 'yan e itlog lang niya ang dala." hirit ni Glo.

"Ok lang sa 'kin, atleast ako ang kinuhang partner sa birthday niya. Do'n nalang ako babawi ng kain." biro ni Venus sa kaibigan.

Kung tutuusin ay 'di hamak na mas guwapo si Diego kaysa kay Ralph. Mula sa kutis pati na rin sa tindig ay nakakalamang itong si Diego.