CHAPTER FIVE

Chapter Five

Nang magkaharap na sila sa isang magarbong restaurant na ni kahit sa panaginip ay hindi niya akalaing mapapasok niya ay nakaramdam siya ng pag-aalangan. Tapos na silang kumain ngunit parang di nabawasan ang napakaraming pagkaing inorder ni Gerald. Mga pagkaing natatakam siyang kainin kanina ngunit habang sumusubo siya ay pamilya niya ang patuloy na pumapasok sa kaniyang isipan.

“Ano kayang kinakain nila ngayon? Paano ang gamot ni Mama? May pera kaya silang pambili ng uulamin? May bigas pa kaya silang isasaing? Hindi kaya nabaha na ngayon ang loob ng bahay?”

"Come on, let's enjoy the food. Kasama kita pero mukhang anlayo ng iniisip mo."

"Naisip ko lang kasi ang pamilya ko. Ako lang kasi ang inaasahan nila at alam kong hinihintay na nila akong umuwi. Nandito ako, kasama mong kakain sa mga mukhang di natin mauubos na inorder mo pero sila, hindi ko alam kung may pagsasaluhan sila ngayon o kahit sana bigas lang na maisasaing." Nangilid ang kaniyang luha.

"Well, let's just enjoy the night.” Ayaw ni Gerald ang drama. “Hindi masamang paminsan-minsan, you also pamper yourself. Kahit ngayon mo lang isipin ang sarili mo. Sorry pero hindi ako mahilig sa drama. My rule, I don't want to talk on any of your or my personal issues." Tinungga nito ang laman ng kaniyang kopita. "Umiinom ka ba?"

Sa narinig niyang iyon ay bigla siyang napahiya. Pinahid niya ang namuong luha sa gilid ng kaniyang mga mata. Binulungan niya ang sarili. "Ano ba kasing pumasok sa isip mo Diane at kailangan mong magkuwento ng buhay mo sa estranghero. Baka isipin pa niya nagpapaawa ka para malimusan."

Sasagutin niya sana ang tanong tungkol sa kung umiinom ba siya o hindi ngunit mabilis na sinenyasan ni Gerald ang nakatayo sa di kalayuang waiter. Mabilis itong lumapit dala ang isang kopita. Sinalinan niya iyon ng alak saka magalang na lumayo.

"A li'l vodka is not bad, Diane. Konti lang." itinulak na nito ang kopita sa harap niya.

"Hindi ako umiinom ng hard. Kahit nga beer hindi. Actually, I don’t drink any alcoholic beverages. Not now na kasama ko ang taong hindi ko lubos na kilala." Itinulak niya ang pabalik ang kopita kay Gerald.

"How old are you again?"

“Eighteen.”

“Legal na. Pwede na. Try it! Hindi nakakalason ang alak.” Muli nitong itinulak sa harap niya ang alak. Sasanggain niya sana ngunit nagtagpo ang kanilang mga palad sa hawakan ng kopita. Ramdam ni Diane ang init ng palad ni Gerald. Napalunok siya lalo pa't naramdaman niya ang paghimas ni Gerald sa kaniyang nanlalamig na daliri. Dumaan ang kuryente mula dito hanggang sa pinakasulok na bahagi ng kaniyang katawan. Dahil doon ay kinuha niya ang kopita at itinungga niya ang laman no'n. Mapait. Matapang. Ngunit may kakaibang init na hagod niyon sa kaniyang lalamunan.

Uminom naman na siya ng beer kasama ng mga kaibigang Engineering Students at sa kanilang lugar ngunit beer lang. Hindi katulad ng pinaiinom sa kaniya ni Gerald. Napakatapang naman yata.

"Eigteen ka na nga."

"Oh, ano naman kung 18 na ako?"

"Young and fresh."

Napalunok siya dahil nakita niya ang pagbasa ni Gerald sa labi nito sabay ang pagkindat niya parang may gustong iparating.

"Are you trying to seduce me?"

"No I am not just trying, am doing it purposely. Why? Is it working?" diretsuhang tanong ni Gerald.

Nakita niya ang pagpapa-cute nito na sa totoo lang umeepekto naman talaga. Mukhang sanay siyang gawin iyon. Sanay makuha ang gugustuhin.

Muling sinalinan ng sinenyasan ni Gerald na waiter ang kanilang mga baso. Pagkaalis nito ay itinaas ni Gerald ang kanilang mga baso.

"Cheers, My Lady!"

Kinuha niya ang kopita niya at pinag-umbog nila ang kanilang mga baso.

Sinaid muli ni Diane ang laman no'n.

"Just sip it. You don't need to gulp it all." Natatawang sinabi ni Gerald nang makita niyang muling sinaid ni Diane ang baso. Nagsimula na itong namula dahil sa tindi ng tama ng alak.

"Hindi mo sinabi eh! Akala ko lang parang inuman lang sa kanto. Kailangang ubusin dahil may naghihintay sa pag-ikot ng baso." Pabiro niyang banat. Laking iskwater kaya lumalabas ng kusa ang kanyang pagiging masa.

Tumawa ng malakas si Gerald. "Damn it! Napatawa mo ako, do’n ah!"

"Para 'yun lang? Ambabaw naman ng kaligayahan mo."

"I think we're done here. Halika, doon tayo sa bar. Mas mag-eenoy tayo doon kaysa dito," bulong  ni Gerald.

Dahil sa konting tama ay sumunod lang siya. Para lang silang barkadang naglakad. Sanay siya sa mga kaklaseng mga lalaki. Kaya hindi bago sa kanya na may kasamang lalaki. Bahala na. Amoy na amoy niya ang pabango ni Gerald. Pabangong parang nanunuot sa kaniyang kaibuturan.

Maingay ang bar na pinasukan nila. May mangilan-ngilan doong umiinom at sinadya ni Gerald na umupo sila sa sulok. Tumayo siya at pumunta sa bar. Pagbalik niya ay may dala na itong dalawang kopita na naglalaman ng kulay berdeng alak. Kung ano iyon, hindi niya alam. Basta tinanggap niya, tinikman at nagustuhan niya ang lasa nito. Panay lang ang kanilang panakaw na titigan sa isa't isa. Titigang may ibig sabihin kay Diane at hindi niya alam kay Gerald kung ganoon din ang nararamdaman nito sa kaniya. Masaya siya. Nag-eenjoy siya, actually. Hindi pa siya lasing ngunit may tama na. Malakas na ang loob niyang makipagtitigan kay Gerald ngunit hindi niya alam kung paano magpa-cute tulad ng ginagawa nito sa kaniya.

Tinanggal ni Gerald ang necktie niya. Tinanggal din nito ang butones ng kaniyang long slevee hanggang sa nasilip ni Diane ang maumbok at matigas nitong dibdib. Ang malakas na appeal nitong katawan.

Napalunok siya nang kinagat ni Gerald ang kaniyang labi sabay ipinasok nito ang kaniyang kanang kamay sa maskulado nitong dibdib sabay kindat na para bang sinasabi nitong, "game ka ba?"

Yumuko siya. Tumingin siya sa mga iba doong nag-iinuman. "Huwag kang mag-flirt sa akin, please? Hindi ako papatol sa’yo," bulong ni Diane sa sarili. Naramdaman niyang tumayo si Gerald at naglakad papunta sa kaniyang likod.

"Gusto mong tanggalin ang backpack mo?" tanong ni Gerald. Napapitlag siya nang maramdaman niya ang mainit na bibig ni Gerald sa dulo ng kaniyang tainga. Nagsitindig din ang lahat ng balahibo niya. Hindi siya nakasagot. Hindi na niya kontrolado ang init na nararamdaman niya.

"Are you ready for the final level?"

"Final level? What do you mean?" kumunot ang noo niya.

"Alam kong alam mo ang sinasabi ko." huminga ito ng malalim. Itinungga niya ang laman ng kaniyang baso. Ibinalik niya iyon sa mesa na di umaalis sa likod ni Diane. Naramdaman niya ang bumubukol na iyon na lumapat sa kaniyang likod. Matigas iyon. Parang may kung anong init siyang naramdaman.

"I'm tired. Gusto ko nang magpahinga. Kung gusto mo ako. Sunod ka sa room 701, 7th floor. Hihintayin kita." Muling pabulong ngunit naramdaman ni Diane ang paghagod ng dila ni Gerald sa dulo ng kaniyang tainga. Lalong nangatog ang tuhod niya. Gusto niyang sampalin ito. Gusto niyang sabihin na binabastos na siya. Na hindi siya ganoong babae. Hindi siya p****k. Hindi siya ganoon kababa. Baka kasi iniisip ni Gerald na pick up girl siya. Well, she’s not! Binabastos na siya ngunit ano itong para siyang si gaga na nadadala? Paano niya lalabanan ang tukso?