Chapter 46

Chapter 46

Agad akong pumasok sa loob ng hideout at pumunta sa isang silid kung saan pinaparusahan ang mga bihag upang umamin.

Habang humihit-hit ako sa aking tabako ay naglalaro sa aking isipan kung paano ko ito paparusahan o papatayin.

"Pakawalan niyo ako," sigaw ng aming bihag.

"Hahaha, kanina lang ay ang tapang mo. Pero ngayon, para kang isang batang nagtatago sa saya ng ina," pang-uuyam ng aking tauhan habang ang iba ay tumatawa sa nasaksihan.

"Maawa kayo sa akin, pakawalan ninyo ako," pagmamakaawa ng bihag.

"Boss, anong gagawin natin?" tanong ni Botyok habang may ngising nakapaskil sa labi.

"Ihanda mo ang mga kagamitan," utos ko dito.

Ang aking pinahanda ay ang gagamitin kong mga hinagiban upang paaminin ito.

"Ikaw? Sino ka ba talaga?" tanong ng bihag.

"Wag mo nang alamin," malamig kong sabi.

"Hindi mo kilala ang binangga ninyo? Nakakaawang tao, siya ang Mafia Boss na ipapapatay ng inyong amo," pang-uuyam na wika ni Carlos.

Nakita ko ang takot sa mga mata ng bihag. A