Chapter 94

Masakit man ang nangyaring 'yon ay wala naman na magagawa pa si Andrea. Nalaman na ni Martin ang lahat. Tinapos na nga nito ang ano man na naging kasunduan nila. Malinaw na sa kanya na hindi na magdo-donate si Martin ng kanyang sperm cells sa kanya. Sa naging desisyon niya na 'yon ay nawala lang sa isang iglap ang lahat ng mga plano niya. Sinabi kaagad niya ang nangyari na 'yon sa kaibigan niya na si Gretta. Umiiyak siya habang kinukuwento ang lahat.

"Ano na ang gagawin ko ngayon, Gretta? Nangyari na nga ang kinakatakutan ko. Hindi pa nga tayo nagtatagumpay nawala na ang lahat ng 'yon. Akala ko pa naman magiging matagumpay tayo ngunit hindi naman pala. Sinabi ko na rin sa kanya ang totoong nararamdaman ko kahapon. Alam na niya na mahal ko siya. Hindi ko na alam ang gagawin ko, Gretta. Nauwi sa lahat ang mga nasimulan ko dahil lang sa desisyon ko na 'yon. Kasalanan ko siguro ang lahat, 'di ba?" lumuluhang wika ni Andrea sa harap ni Gretta na kaibigan niya na hinihimas-himas ang likod.