Kabanata 684

"Kahit na baliktarin nila ang kaso, hindi dapat mangyari 'to ng ganito ka aga! Kung sinusunod nila ang normal na proseso..."

Pero, bago pa matapos sa pagsasalita si Hao Yimeng, sinagot na siya agad ni Hao Qirong. "Wag mong kalimutan kung sino ang nasa likod ni Yiran ngayon!"

Natahimik si Hao Yimeng. 'Si Yi Jinli!'

Sa mga ordinaryong tao lang sinusunod ang tinatawag na normal na oras ng pagproseso.

"Okay sige. Kung ano man ang mangyari, kapag nasabi na ito sa balita, kailangan pa ring may gawin ang Hao family. Hindi natin pwedeng hayaan na madismaya ang Yi family dahil dito, kuha mo?" Paulit ulit na binalaan ni Hao Qirong ang anak niya.

Halos masira ng kaka-manicure lang na kuko ni Hao Yimeng ang cellphone nito.

Tinapakan niya si Ling Yiran sa harap ng maraming media at kinalat niya sa mga ito na si Ling Yiran ang pumatay sa kapatid niya.

Ngayon, ang sinabi ng tatay niya ay katumbas ng paghingi niya ng tawad kay Ling Yiran sa harap ng publiko. Di ba para na din niyang sinampal an