Chapter 41

Simula noong nakaraan ay hindi na nagpakita sa akin si Luke. Wala ng nang-gugulo sa akin.

Hindi ko alam pero parang nakonsensya ako sa mga nasabi ko sa kanya. Alam ko naman na hindi niya sinasadya nadala lang ako ng inis ko kaya nabulyawan ko siya tapos hindi ko siya pinansin.

"Argh! Bahala siya." Hindi ko maiwasang mainis. Ewan ko ba pero bigla na lang akong nagsasalita ng mag-isa.

Nandito ako sa opisina ko habang inaayos ang lahat ng orders.

Ngayon din ang balik ni Jeff galing manila kaya niyaya niya akong mag date kami bukas ng gabi.

Buo na ang desisyon ko na sabihin sa kanya ang nakaraan ko. Ayoko ng maglihim sa kanya namiss ko din siya dahil matagal siyang nasa Maynila.

Kagaya ng araw araw kung ginagawa ay bahay at trabaho lang lagi ang routine ko.

Hindi ako pumasok ngayong araw dahil naghanda ako ng dadalhin ko sa date namin ni Jeff napili kasi naming pumunta doon park. Maganda kasi doon dahil magpapasko na madaming pailaw doon. Nais kong pumunta doon para maiba naman ang vibe.