Kabanata 117

Malayo pa lamang ay walang tigil sa kakahiyaw at pagkaway ang kambal sa kanilang Tita Michelle. Mas kilala ng kambal si Michelle kesa kay Maria dahil ito ang kasama namin at madalas nilang makalaro ng kami ay nasa rest house pa ni Charles sa Amerika.

Nang makalapit ang dalawa ay nag-uunahan sina Lindsay at Joshua sa pagsalubong sa kanilang Tita Michelle. Yumakap ang mga ito sa kanya at humalik. Nagsimula na kaagad sila sa pagkukwento ng kanilang mga ginagawa sa kanilang eskwelahan at pinagmamalaki ng dalawa ang kanilang bagong kwarto pati na din ang kanilang silid laruan. Nagkakatawanan naman kami sa sobrang kadaldalan ng mga ito.

Hinihila ng mga ito ang kamay ni Michelle para sana ipakita ang kanilang kwarto pero hinarang ko muna sila dahil maghahapunan na muna kami. Kilala ko ang kambal, hindi na naman ito titigil sa pakikipaglaro kapag nasimulan na nilang makipagharutan kay Michelle. Lumalalim na din ang gabi kaya kailangan na ng mga itong matulog maya-maya lamang.

Bukas palad na