Kabanata 113

“Tama na muna kayong magkapatid, Tara na nga muna sa loob, pumasok na tayo at lalamig na ang pagkaing hinanda ko para sa ating lahat.” Sabi pa ni Manang Luming. "Hinanda ko ang lahat ng paborito mo Natalie at siyempre nagtanong na din ako ng mga paboritong kainin ng kambal. " pagmamayabang na sabi pa ni Manang Luming.

Kinandong naman ni Daddy ang kambal sa kaniyang hita kahit na hirap siya, tinulak naman ni Sebastian ang wheelchair na sinasakyan ni Daddy habang papasok kami sa loob ng bahay nila Kuya Timothy. Tawanan ng tawanan sila Lindsay at Joshua, yakap sila ng yakap sa kanilang Lolo Patrick unang beses nilang nakita ito pero sobrang pagkagiliw ng kambal dahil ngayon ay hindi na lang puro kwento ang kanilang nalalaman tungkol sa aking pamilya, panay din ang pagkukwento ng kalokohan ni daddy sa dawalang bata kaya panay ang hagikgikan ng mga ito na akala mo’y nakasakay sila sa rides.

Kapit ko naman sa braso sila Penelope at Aurora. Kung dati ay napaka-daldal ng mga ito lalo na si Pe