Kabanata 087

Hindi ko naman na ito iniintindi , ang hirap ng pagkatiwalaan ng mga palabas nito sa media. Kahit na masakit sa aking kalooban ay pinilit ko sila Colton na wag ipaalam sa aking pamilya ang nangyayari sa akin. Matatanda na ang aking mga magulang , mas mainam na lang na isipin nilang wala na ako. Hindi din tumitigil si Andrew ng kakabanta sa akin pati na sa buhay ng aking pamilya. Kaya naman buong tapang kong hinarap mag-isa ang aking pinagdaraanan minabuti kong mawala na lang ng parang bula sa lahat. Nagpapasalamat ako at tinulungan ako ni Charles sa naging desisyon kong ito. Mabuti na lang din kahit papano ay may kaibigan akong nasasandalan, nandiyan sila Colton at Nicholai, matinding sakripisyo din ang ginawa ng mga ito para sa akin, nagtiis silang hindi umuwi sa kanilang mga pamilya at i-give up ang kanilang mga laboy para asikasuhin ako lalo na kapag inaatake ako ng aking sakit . Ganun din ang pagsisinungaling na kanilang ginagawa sa tuwing magtatanong ang aking pamilya sa kanila.