Chapter 2

Tulala ako na hinihintay ang kaibigan ko sa parking lot. Hindi parin ako makapaniwala sa nangyari. Ilang beses ko nang tinampal ang mukha ko baka nag i-imagine lang ako pero hindi talaga. Ramdam ko parin ang matigas niyang braso na naka pulupot sa baywang ko. At ang kanyang baritong boses na parang sirang plaka na paulit-ulit na naglalaro sa isip ko.

"Sigurado ka nakita mo siya?" Naniniguro na tanong ni Cathalea.

Tumango ako. Walang salita na sumakay sa loob ng sasakyan.

"Namatanda yata ang kaibigan natin," ani Ashnaie na naka kunot ang noo na lumingon sa akin. Binato niya ako ng tissue. "Hoy! Anong nangyari sayo?"

"Kung panaginip lang ang lahat ng ito huwag niyo na akong gisingin," mahinang usal ko sa kawalan.

"Ano kaya ang nangyari bakit naging ganyan siya?" Rinig kong usal ni Cathalea.

Hanggang makarating kami sa apartment ko ay tulala parin ako. Nang makapasok ako sa kwarto ko doon hindi ko na napigilan ang maglupasay sa ibabaw ng aking kama sa subrang tuwa.

"Hindi parin ako makapaniwala!" Gigil na sambit ko na parang bulate na inasinan.

"Why? What happened?" Tanong ni Ashnaie at umupo sa dulo ng kama . Umupo rin si Cathalea sa kabila at magkaharap sila sa akin.

Sumandal ako sa head board ng kama hindi mapalis ang ngiti sa labi. "Nagkabungguan kami kanina doon sa food court sa escalator banda at oh my god," tili ko. " Sinalo niya ako para hindi ako matumba. 'Yong kamay niya nakapulupot sa baywang ko. "

" Wahhh! As in? "

" Wehh! Di nga! "

Hindi makapaniwala na sambit nilang dalawa.

" Oo nga. Ang bilis kasi ng pangyayari. Basta, namalayan ko nalang na nakahawak na ako sa braso niya at sa damit niya sa bandang dibdib. "

" Ang landi mo! " Gigil na singhal ni Cathalea at hinampas ako ng unan.

" Hindi ko alam. Okay?, " Depensa ko

Humalukipkip si Ashnaie, kunot noo na tumitig sa'kin. "Ayoko sana maniwala sa sinabi mo pero dahil kilala kita . .yeah, ituloy mo ang kwento. Matikas ba ang braso at dibdib niya?" Tumango ako. Napahiyaw ako ng dinambahan niya ako . " Hitad ka! Ano pa nangyari? Gaga! Bakit kasi naisipan ko pang maghiwalay tayo sa paghanap sa kanya."

Isinalaysay ko sa kanila ang nangyari mula simula hanggang sa nagkabungguan kami ni Emmanuel. Panay ang hampas nilang dalawa sa akin, kinikilig sa nangyari. Ano pa kaya ako. Subrang kilig at saya ang naramdaman ko. Pangarap ko lang ang makita siya pero hindi ko inaasahan na mahawakan at marinig ko pa ang boses niya.

"Worth it ang 5k na bill ko sa grocery," ani Ashnaie.

"Dahil diyan. Umalis na kayo at mag sleeping beauty na ako," tumatawa na saad ko.

Sinimangutan ako nang dalawa at walang pasabi na tumabi ng higa sa akin at niyakap ako ng mahigpit.

"Dito ako matutulog," si Ashnaie.

"Ako rin," si Cathalea.

I chuckle. " Oo na. Oo na, bitaw na hindi ako makahinga."

"Arte nito," asik ni Ash at niluwagan ang pagyakap sa akin. " So, ano ang next plan?"

Plan? Wala akong next plan sapat na sa akin ang ganap kanina. Ayoko magplano dahil baka hindi naman matuloy. Hayaan ko na si tadhana kung pagtagpuin niya kami ulit. Ang hirap kaya niyang hagilapin. Ang hirap niyang abotin sa subrang taas niya para sa isang tulad ko na mababa lang. He is a millionaire. Samantala ako umaasa lang sa tulong ng mga kaibigan ko. May trabaho ako ngunit hindi sapat ang kita ko, sakto lang ito sa pang araw-araw na gastosin ko. Kaya ayoko nang mangarap ng mataas. Ayoko pangarapin ang isang Emmanuel Montefalco dahil hindi ko siya kayang abotin.

"Wala akong plano. Hintayin ko na lang ang tadhana kung pagtagpuin kami ulit. "

Hindi na nagsalita ang dalawa kaya pinikit ko ang aking mata upang umidlip. Napagod ako sa kaka-ikot kanina at ngayon ko lang naramdaman ang pangangalay ng aking paa.

Sa haba ng tulog ko 10 pm na ako na gising. Wala na ang dalawa, siguro umuwi na may trabaho pa sila bukas. Tumayo ako at mabilis na naligo. Pagpasok ko ng kusina may pagkain nang nakahanda doon. Bigla akong nagutom nang maamoy ko ang adobong manok na niluto ni Cathalea. Hindi naman kasi nagluluto si Ashnaie palibhasa anak mayaman.

Nagsimula na akong kumain. Mapait akong ngumiti habang nginunguya ang kinakain ko. Isang taon na ang nakalipas pero parang kahapon lang ang brutal na pagkamatay ni mama. My dad is a politician. Isa siyang mayor sa aming bayan sa Sagada or I must say a corrupt mayor. Ang daming galit sa kanya hanggang sa humantong na si mama ang target nila. Sa dami ng galit at kalaban niya hindi namin alam kung sino ang brutal na pumatay sa aking ina.

Malinis ang pagkagawa ng pagpatay at walang ebidensya. Ang natandaan ko lang nagtatalo sila ni papa ng gabing iyon at umalis si papa pagkatapos, kinabukasan wala ng buhay si mama. May takip ng panyo ang bunganga niya. Nakagapos ang kamay at paa at maraming saksak sa katawan. Sa mismong bahay namin ginawa ang kremin, kaya pagkatapos ilibing si mama ay lumipat na ako sa isang maliit na apartment at binubuhay ang sarili na mag-isa.

After six months ng pagkamatay ni mama si papa naman ang umalis. Hindi ko alam kung saan siya nagpunta, ang bali-balita siya ang suspect sa pagkamatay ni mama. Ayoko manghinala na totoo ang sinabi ng mga tao dahil saksi ako kung gaano ka mahal ni papa si mama. Ngunit bakit kailangan niyang lumayo at takasan ang paratang sa kanya kung wala naman siyang kinalaman sa pagkamatay ni mama?

Pinunasan ko ang luhang pumatak sa mata ko. Tumikhim muna ako bago sagotin ang tawag ni Cathalea.

"Kanina ka pa gising? Kumain ka na ba? May niluto akong pagkain nasa mesa mo."

Sunod-sunod na saad niya. Napangiti ako.

"Kanina pa ako gising at kumain na ako. Salamat sa masarap na luto."

"Sus. Ikaw pa, baby girl kita eh."

I chuckle. " Miss mo lang ako eh."

"Yeah. Yeah. May trabaho kasi ako bukas kaya kailangan ko umuwi. Don't worry sa birthday mo mag leave ako ng 2 days. 2 days nating i celebrate yon dahil 22 kana. "

" Oo na. Alam ko naman na hindi ako makatanggi sa inyong dalawa ni Ashnaie. "

" Ihanda mo na ang sarili mo next week panigurado may balak si Ashnaie sa birthday mo. "

" Ha. Ha . Okay. Good night, Cath. I love you. "

" Love you too. "

Hinugasan ko na ang pinagkainan ko pagkatapos naming mag-usap ni Cathalea at pumasok sa kwarto. Kinuha ko ang notebook at ballpen na binili ko kanina, ito ang kagawian ko tuwing mag isa ako ang isulat ang nangyari sa buong araw ko.

Nakangiti ako na sinulat ang nangyari sa pagtagpo namin ni Emmanuel. Tanda ko pa ang kanyang seryosong mukha na nakatingin sa'kin habang yakap ang baywang ko. Ang kanyang pabango na nanonoot parin sa ilong ko. At kung paano umigting ang kanyang panga nang punain niya ang damit na suot ko.

Ma ulit pa kaya iyon? Makita ko pa kaya siyang muli? Kasi pakiramdam ko biglang tumibok ang puso ko sa kanya nang makita ko siya. Lumagpas na ba ako bilang crush siya?

Sa aliw ko sa pagsulat hindi ko namalayan madaling araw na pala. Niligpit ko ang mga gamit ko at tinago iyon sa ilalim ng mesa. Pasalampak akong humiga sa kama. Mabuti nalang at wala akong pasok ngayon. Buong hapon ako natulog nagising nalang ako sa tunog ng cellphone ko nang tingnan ko si Cathalea ang tumatawag pinapa-alala na kumakain ako sa tamang oras.

"Opo inay," biro ko sa kanya.

"Kapag ikaw nagkasakit lagot ka sa'kin."

Cathalea, hindi lang siya basta kaibigan. For me, sometimes she is my mother, a sister, a friend, a best friend. Nang mawala ang mga magulang ko kahit malayo kami sa isa't isa hindi siya nakalimot na kamustahin ako. Tawagan kahit madaling araw pa upang tanongin kung kumain na ba ako. She cares me so much and it's scared to me. Natatakot ako na baka isang araw mawala ang lahat ng iyon kung saan nasanay na ako. Kaya hindi ko sinasanay ang sarili na lagi silang nandiyan dahil hindi sa lahat ng oras nariyan sila .

"Kita kits nalang tayo sa friday."

Sandali pa kaming nag-usap bago niya binaba ang tawag. Malakas akong napabuntong -hininga at pinikit ang mata. Alas sais na ng gabi pero hindi parin ako nakaramdam ng gutom. Malapit na ang birthday ko pero hindi ako excited parang normal na araw lang.

Wala akong plano sa birthday ko, gusto ko sa araw na 'yon mag mokmok dito sa kwarto ko at magsulat ng kwento. Pero dahil spoiled ako sa mga kaibigan ko hindi pwede na walang selebrasyon. Bago pa ako makatulog ulit ay bumangon na ako para kumain. Tamad na akong magluto kaya cup noodles nalang at toasted bread ang kinain ko. Pagkatapos kong kumain nag text ako kay Cathalea at sinabing matulog na at huwag nang tumawag sa akin.