CHAPTER 46 - I MISS HIM

I MISS HIM

ATHENA

NASA loob na kami nina Eunice ng classroom namin. Ayaw ko na kasing mag stay pa doon at nagmamadali din ako dahil baka nandito na si Hash. Pero wala pa pala siya dumadating.

Nakaupo lang ako sa upuan ko, habang sina Eunice ay nag-uusap-usap. Naghihintay akong dumating si Hash kahit sa totoo ay naiinip na ako sa kakahintay.

Alam ko namang hindi pa kami masyadong okay, pero sana naman wag niya akong hayaan na mag-overthink lalo na at baka kasama niya na naman ang Illana na iyon.

Nasa ibabaw ng mesa ko ang cellphone ko at naghihintay ako kung tatawag ba siya o magsesend man lang ng mensahe.

Nang wala pa siyang tumatawag ay nakaramdam ako ng antok.

Ipinatong ko sa mesa ang kanang kamay ko at ipinatong ko din ang kaliwang kamay sa may bandang braso ng kanang kamay ko. Inihiga ko ang ulo ko doon habang nakatingin parin sa cellphone na nasa mesa ko.

Hindi ka talaga tatawag o magmemessage man lang huh?

Ipipikit ko na sana ang aking mga mata ng may taong naghahanap saakin.