Chapter 29

Amber Pov

Katatapos ko pa lamang magbihis dahil katatapos ko lang din maligo nang may kumatok sa pintuan ng aming silid. Malakas at tila galit ang paraan ng pagkatok kaya natitiyak ko na hindi si Phil ang nasa labas. At isa pa, hindi na siya kakatok sa pintuan kundi papasok na lamang. Kung ang mga maid naman na kasundo ko ang nasa labas ay hindi sila kakatok ng ganyan. Kaya dalawang tao lamang ang naiisip ko na posibleng nasa labas ng pintuan. Kung hindi si Tita Aloha ay si Karen. Ibinaba ko muna ang hawak kong suklay sa ibaba ng aking dressing table bago ko binuksan ang pintuan. At tama nga ang nasa isip ko dahil si Karen ang nakita kong nasa labas at naghihintay na pagbuksan ko ng pintuan.

"Ano ang kailangan mo?" nakataas ang kilay na tanong ko sa kanya. Tumayo ako sa gitna ng pintuan dahil wala akong balak na papasukin siya sa loob. Itinulak ako ni Karen papasok sa silid. Mabuti na lamang mabilis ajong nakahawak sa doorknob kaya hindi ako natumba. Mukhang gulo ang hanap ng babaeng