Chapter 8

"Sinabihan na ni mommy ang boyfriend niya na sa bahay na ito tumira..." panimulang sabi ni Angela kay Jenna na kaibigan niya. Kasalukuyan silang kumakain ng lunch. Tumigil muna si Jenna sa pagkain at saka nagsalita sa kaibigan niya.

"Talaga ba? Seryoso ka? Sinabihan na ng mommy mo na doon na siya titira sa bahay n'yo?" paniniguradong tanong pa nito sa kanya.

Mabagal naman na tumango si Angela sa katanungan na 'yon ng kaibigan niya na si Jenna sa kanya at saka nagsalita, "Oo. Seryoso ako sa sinasabi ko sa 'yo. Sinabi na nga niya sa boyfriend niya na si Edward."

Napanguso si Jenna pagkasabi niya. Wala naman rin siyang magagawa dahil 'yon ang gusto ng mommy ng kaibigan niya na si Angela.

"Pumayag naman ba ang boyfriend ng mommy mo na doon tumira sa bahay n'yo?" tanong ni Jenna sa kanya.

"Oo. Pumayag naman nga ito, eh. Wala naman siyang kapamilya na nandito sa Maynila, eh, kaya walang problema. Lahat ng mga kamag-anak niya ay nasa probinsiya at tanging siya lang naman ang nandito sa Mayn