Chapter 3 Silakbo ng Matinding Pagnanasa

DAHIL sa ayaw ni Yvette na tanggihan siya ng lalaki, dinakma niya ang pagkalalaki nito. Alam kasi niyang kapag nanigas iyon ay hindi na siya mahihirapan pang mapasunod ito sa bawat gustuhin niya. 

Ngunit, ang tipo ba ng lalaki ang magiging sunud-sunuran?

Maaaring hindi niya personal na kilala ang lalaki pero ang hitsura nito ay nagsasaad ng kapangyarihan at karangyaan kaya't nakapagtatakang makita niya ito sa lugar na iyon. Mistulan nga itong prinsepe na naligaw sa bar na iyon. 

Lasing na nga yata siyang talaga dahil ganoon ang tingin niya sa lalaki. Kahit naman naka coat and tie ito at parang katawa tawang makita sa lugar na iyon ay sadyang nangingibabaw pa rin ang hitsura nito. Kaya naman hindi na siya magtataka kung sa pagtingin niya sa paligid ay maraming mata ang nakatingin dito, partikular na ang mga kababaihan. 

Ewan niya kung bakit nakaramdam siya ng panggigigil sa kaisipang iyon.

"Damn," wika nito. Halatang hindi nito inasahan ang kanyang ginawa kaya napadaing ito ng husto. 

Mabuti na lamang at maingay ang lugar at madilim ang paligid kaya sigurado siyang nilamon lang ng ingay ang salita nito at walang nakapansin sa kanyang ginawa. Ang bartender naman kasi ay may iba ng pinagsisilbihan kaya nawala na ang atensyon nito sa kanila ng lalaki. "Bitaw!" Mariing sabi nito

"Shucks," wika naman niya kung ano ang kanyang nagawa. Nalamutak niya ang pagkalalaki nito dahil nag-flash sa kanyang isipan ang mga babaeng nakasunod ang tingin dito. 

"Hindi 'yan espada na huhugutin mo lang…" wika nito. Nakangiwi man ay may nakita siyang kislap sa mga mata nito. 

Napahagikgik naman siya sa sinabi at reaksyon nito. Hindi kasi galit ang nakikita niya sa ekspresyon nito kundi paghihirap. Obviously, hindi nito inasahan ang kanyang ginawa. Kaya kung kanina ay parang nagagalit ito sa kanya, ngayon naman ay mababa na ang tono nito. Alam niya naapektuhan na ito sa kanyang ginawa. 

Sino ba naman kasing tunay na lalaki ang hindi maaapektuhan kapag may dumakma sa pagkalalaki nito tapos napakaganda at seksi pa?

Hindi naman sa nagyayabang siya pero hindi naman siya bulag kaya nakikita niya ang kanyang hitsura kapag humaharap siya sa salamin. mala-anghel ang kanyang mukha, mala-labanos ang kanyang kutis at mala-Miss Universe ang kanyang tangkad at kaseksihan. 5'9 din naman kasi ang kanyang height kaya hindi na niya kailangan pang gumamit ng high heels. 

Maaaring sa paningin nito ngayon ay nagmukha na siyang manyakis pero wala siyang pakialam. Ang mahalaga lang sa kanya ay makaganti. 

Sure ka? Tanong pa niya sa sarili. 

Kahit mahal na mahal niya si Henry ay hindi niya nagawang ipagkaloob ang sarili niya rito. Ang gusto niya kasi maikasal muna sila bago niya ipagkaloob ang sarili rito. Ilang ulit man siyang inaya ni Henry na mag-sex sila ay hindi siya pumayag. Gusto niyang iregalo rito  ang kanyang virginity sa araw ng kanilang kasal. Ngunit, sapat na bang dahilan iyon para magawa siyang pagtaksilan ni Henry? 

Kahit na maraming katanungan pang naglalaro sa kanyang isipan, hindi dahilan iyon para gustuhin marinig ang paliwanag ni Henry. Hindi na siya interesado marinig ang mga dahilan nito. Basta ang alam niya, sa relasyon, hindi lang puro pagmamahal, kailangan ay mayroon din siyang tiwala at respeto. 

"I want you," mariin niyang sabi, sa tonong nagrerebelde. Tiyak na tiyak niya kasing masasaktan ng husto si Henry kapag nalaman nitong ipinagkaloob niya sa isang  estranghero kanyang ang virginity na pinapangarap nito. 

Dahil sa kataksilang ginawa ni Henry, nakumbinse na niya ng husto ang kanyang sarili na kahit mahal na mahal pa niya ito, hindi na niya ito babalikan. At tiyak niyang dahil doon, mas madodoble ang pagnanais ng ama niya na magpakasal siya sa lalaking hindi pa nga niya nakikita. 

Alright, maaari na niyang pagbigyan ang kanyang ama dahil wala na siyang interes na pagkatiwalaan pa si Henry na hindi nakuhang irespeto ang kaniyang relasyon, ngunit mas gusto pa rin niyang ibigay ang sarili sa taong gustung-gusto niya at iyon ang kanyang kaharap. 

"Hindi mo alam ang sinasabi mo," wika nito habang hawak ang kanyang pulsuhan. 

Muli, napahagikgik siya, alam niya kasi kung bakit kailangan nitong gawin iyon, dahil nangangamba itong maramdaman na naman niya ang malaki at mahaba nitong pagkalalaki. Slacks kasi ang suot nito kaya nadama niya talaga ang kahabaan nito. 

Hindi mo lang dinama, wika ng isip niya. Pinisil mo pa. 

"Alam na alam ko, stranger. Be with me, tonight," malanding bulong niya rito. Marahang kinagat pa niya ang dulo ng tenga nito. Alam kasi niyang isa iyon sa sensitive part ng isang lalaki. 

"Are you sure?" Tanong nito habang buong tiim na nakatitig sa kanya. 

Ewan niya kung dahil lang ba sa espiritu ng alak kaya biglang nag-init ang kanyang pakiramdam. Basta ang alam niya, sobra siya naaapektuhan sa presensiya nito. Para biglang tumaas ang kanyang temperatura dahil lang sa pagtitig nito. Ngunit, kahit naman attracted siya rito ay hindi niya dapat ipahalata rito na gustung-gusto niya ito. 

"Kung ayaw mo marami pa namang…" aniyang ibinitin ang sasabihin saka lumingon sa paligid. "Marami pa namang iba…"

"No way!" Putol nito sa kanyang sasabihin. Sa palagay niya ay masyadong mataas ang alcohol tolerance niya kaya naman kahit marami siyang nainom ay malinaw pa rin ang isip niya. Hindi lang niya kontrol ang kanyang bunganga. "Hindi ka mapupunta sa iba, sa kahit sinong lalaki. Akin ka lang," buong diin pa nitong sabi sa kanya. 

Dapat ay makaramdam siya ng galit sa sinabi nito pero hindi niya nagawa. Para kasing may possessiveness siyang naaninag sa boses nito. Siguradong masyado itong naapektuhan sa kanyang ginawa kaya masyadong nagdiriwang ang kanyang kalooban. 

"Let's get out of here."

Hindi niya napigilan ang mapangiti sa matigas na pagkakasabi nito sa mga katagang iyon. Tiyak na tiyak niya kasing susundin nito ang bawat maibigan niya at ang nais niya ay mawala na ang kanyang virginity. 

Ang nais niya sana ay maibigay niya ang kanyang virginity sa lalaking mahal na mahal niya at pakakasalan pero hindi na niya iyon maibibigay pa kay Henry. Kahit mahal niya pa rin biya ito ay hindi na niya ito maaatim pang pakasalan. Sinira na nito ang kanyang tiwala. At noon niya naalala ang kanyang Papa.

Nang una pa lamang ay sinasabi na ng ama na wala itong tiwala kay Henry. Dahil sa palagay niya ay kinukontra lang siya ng kanyang ama dahil gusto nitong ipakasal siya lalaking sa pangalan lang niya kilala. 

Matamis na matamis ang kanyang ngiti ng sumagot siya ng, "Sure."