Chapter Sixteen

JILLIAN Cordova. Kung dati ay plain lang na pangalan lang 'yan sa mga tao, ngayon ay masasabi niyang may malaking impact iyon sa mga tao lalo na sa mga kababayan niya dahil ang mga kuwentong isinusulat niya ay naging bestseller. 

Napangiti siya dahil naalala niyang nakatulong ang pagpu-promote niya na ginawa niya sa kanyang mga libro. Dahil doon ay mas dumami ang kanyang followers at may mga nagbibigay ng mga positive revew sa kanya. 

Ang sampung libro na nagawa niya sa loob ng limang taong paninirahan niya sa America ay naging bestseller. Hindi lang sa America kundi sa buong mundo, lalo naman dito sa Pilipinas. Mula kasi ng lumabas siya sa isang magazine sa New York  at nalaman na isa siyang Pilipino, tumaas din ang sales nila sa Pilipinas. 

Naisip niyang kaya ganoon ay dahil gusto lang talaga ng kapwa Pilipino niya na siya suportahan. O maaari rin namang talagang nagandahan ito sa kanyang gawa. Ang mga istoryang naisulat na niya ay romance, science fiction, action at fantasy. At dahil sa magagandang reviews na natanggap niyang libro ay naging dahilan iyon para siya'y mas makilala. 

Nang magpunta siya sa America ay plano niya talagang mag-masteral lang pero hindi agad natupad ang gusto niya dahil ilang linggo pa lang sila doon ni Mark Wayne ay natuklasan na niyang buntis siya. Mabigat din lagi ang pakiramdam niya kaya nu'ng first trimester niya ay wala siyang gustong gawin kundi matulog at kumain. NGunit, ginusto niyang paglabanan ang kanyang 'katamaran'. Siyempre, mag-isa lang siyang bubuhay sa anak niya kaya kailangan ay mai-provide niya ang mga kailangan. 

Dahil sa paghihirap na kanyang nararanasan ng mga oras na iyon ay parang gusto na niyang tawagan si Lance para ipaalam dito ang kanyang kalagayan. Pakiramdam naman kasi niya ay minahal siya nitong talaga. Kaya lang naisip niya kung paano kung tama nga ang sinabi ni Mark Wayne na walang ibang gusto si Lance kundi ang manakit. 

Masasaktan lang siya kapag nakumpirma niyang pinaibig lang siya nito dahil ibig nitong patunayan kay Mark Wayne na siyang agawin ni Lance. Baka kapag nalaman ni Lance na buntis siya ay mas pagtawanan lang nito si Mark Wayne. Baka ipamukha lang nito sa kanya na wala siya talagang kuwenta dito. 

Oh, kapag nangyari iyon, hindi lang siya masasaktan. Baka hilingin na lang niya namamatay na siya dahil tiyak na madudurog lang ang kanyang puso. 

Kaya, minabuti na lang niyang tanggapin ang alok na kasal ni Mark Wayne. Siguro nga, mas maiging sila na lang ang magsama habambuhay tutal kilala naman nila ang isa't isa. 

Ngunit, kahit na kasal na sila ni Mark Wayne, hindi nman sila umaakto ni Mark Wayne na tunay na mag-asawa sa tunay na kahulugan nito. Kahit pa sabihin na may diprensyiya ang pagkalalaki nito ay wala itong anumang ginagawa sa kanya kundi halikan at yakapin siya. Siguro dahil alam din nito ang tunay niyang nararamdaman. Tiyak niyang hindi rin gugustuhin ni Mark Wayne na kahit ito ang kasama niya ay ibang lalaki pa rin ang nasa isip at puso nito. 

Kaya naman ang buong atensyon niya noon ay itinutok niya sa kanyang pagbubuntis at sa kanyang pangarap. Nakakita kasi siya ng publication doon na tumatanggap ng manuscript. Sinubukan niyang magsulat ng romance at pumasa. Naging bestselling pa ang unang librong sinulat niya kaya naman nagbigay iyon ng inspirasyon sa kanya na ipagpatuloy ang pagsusulat. 

At dahil nga sa isang interview sa isang sikat na magazine sa US ay nalaman na isa siyang Pilipina. Dahilan para magkainteres ang ilang tv station sa Pilipinas na ma-interview rin siya. Ayaw nga sana niyang tanggapin iyon dahil naman dapat siyang pag-ukulan ng pansin. Ang gusto lang naman niya ay makapagsulat para magawa niyang maibahagi ang kanyang talino kaya lang talagang hindi niya magawang tanggihan si Lance na alam niyang gagawin  ang lahat para masaktan si Mark Wayne. 

At hindi niya iyon hahayaan. Mahal niya si Mark Wayne. Ito ang kanyang matalik na kaibigan kaya naman kailangan din niya itong protektahan sa lahat ng paraang alam niya. 

"Good Morning," bati niya sa sekretarya ni Lance. 

"Magandang umaga rin," nakangiting sabi niya. Ipinakita pa niya ang kanyang the best smile dito dahil gusto niyang maging kumportable ito sa kanya. 

"Miss Jillian."

"Mrs. Jillian Toledo," pagtatama niya. "Jillian Cordova lang ang ginagamit kong pangalan dahil iyon ang penname mo."

"It is your real name."

"Pangalan ko nu'ng dalaga pa ako," sabi niya nang lingunin ang boses na kilalang-kilala niya. Saglit lang niyang tinapunan ng tingin si Lance dahil nangangamba siyang kapag tinitigan niya ito ay bumalik lang ang damdaming matagal na niyang dapat kinalimutan. Kaya, siguro ay tama lang na makaramdam ng takot si Mark Wayne kahit na madakas niyang sabihin sa asawa na wala naman siyang dapat na alalahanin. 

"Alam mo bang marami ang natuwa sa pagdating mo rito."

"Really?"

"Siyempre, super sikat ka."

Marahang tawa ang kanyang pinawalan. Hindi kasi niya inilalagay sa kanyang utak ang sinasabi nitong kasikatan dahil ayaw niyang lumaki ang kanyang ulo. Para sa kanya ay tama na iyong maraming sumusuporta sa gawa niya at kumikita siya ng malaki. Hindi nga lang niya akalain na maraming magpapa-autograph sa kanya sa kumpanya ni Lance.

"Iba talaga ang sikat, pinagkakaguluhan," wika ng boses na kilalang-kilala niya.

Nawala lang ang nakapaskil na ngiti sa kanyang labi nang mapatingin siya kay Lance. Masyadong tutok ang pansin niya sa mga bumabati sa kanya kaya naman hindi niya namalayan ang paglabas nito sa opisina. Tiyak niya kasi nu'ng dumating siya ay hindi pa niya ito nakikita. Dahil kung kanina pa niya ito napansin ay hindi siya mapapatulala sa kaguwapuhan nito. 

Sa loob naman kasi ng limang taon ay hindi nawala ang karisma nito. Sa katunayan ay mas tumingkad pa iyon dahil sa nababalutan na ito ng kapangyarihan kaya't nag-uumapaw na ang self confidence sa katauhan nito. Ngiting-ngiti nga ito sa kanya ngayon na para bang ikinatutuwa ang pagmamasid niya rito. 

"Welcome to my company," nakangiting sabi ni Lance sa kanya. 

Napangiwi siya dahil parang mas gusto niyang sabihing, welcome to hell. Kahit kasi malamig naman ang buga ng aircon ay parang ang init-init ng paligid.  At sa palagay niya ay hindi iyon makabubuti lalo na't isang buwan silang magsasama sa iisang lugar.