Chapter Four

Sofia

"THAT'S a wrap guys! Great job!" narinig nilang sigaw ni Stephanie na siyang art director at editor-in-chief rin ng Miliage.

Tiningnan niya ang mga nakuhang ramdom shots sa isang monitor.

Napangiti siya.

Hindi siya masyadong nahirapan sa shoot. Brandon was really a natural. Nasa ika-fifteenth floor sila ngayon ng Sunset Hotel kung nasaan ang pool area na pinagdarausan ng kanilang photoshoot.

Nagulantang siya ng may kung anong mainit na hanging umihip sa tenga niya. Agad siyang napalingon at napalunok ng makitang nakatayo si Brandon sa kanyang likuran at mataman siyang pinakatitigan.

Anak ng isdang walang hasang!

"Did I scare you?"

Bahagya siyang napahakbang sa harapan para bigyang distansiya ang pagitan nila. She could almost feel his breath fanning against her face. "Hindi naman." Nagpakawala siya ng tipid na ngiti. " You were great. Hindi ako nahirapan."

He grinned sheepishly. "Ginalingan ko talaga para hindi ka mahirapan. Ayaw kong mapagod ka."

Juice mio marimar naman itong lalaking 'to!

He hasn't had his shirt on so she could actually have a view of his sinewy body against the bath of sunlight. Halatang alaga sa gym at proper diet ang katawan nito.

But unlike Gab, kahit hindi regular na nagpupunta sa gym at hindi naman nagda-diet ang kumag ay biniyayaan parin ng napakagandang katawan. Everything about Gab was effortless and that made him look more unjustifiable from the others. Ika-nga--nasaan ang justice?

Teka lang bakit ko na naman naisip ang lalaking iyon?

Wala siyang masabi kaya ibinalik niya ang tingin sa monitor at dumukwang para piliin ang mga pinakamagaganda niyang shots.

Maya-maya ay napansin niyang nakatingin rin si Brandon sa mga litrato. He was leaning towards her, at nararamdaman niya ang hininga nito sa batok niya.

Napatikhim siya at nagsalitang hindi ito tinitingnan. "I guess this shot is great for the cover. Ano sa tingin mo?"

"Maganda lahat ang kuha mo. I won't mind if you choose that photo for the cover."

Napangiti siya at bahagya itong sinulyapan. "Bolero karin ano?"

This man operates well ha!

"Hindi kita binobola. Totoong magaling ka, Sofia. Hindi na nga ako makapaghintay sa susunod ko pang cover. Gawin nalang kaya kitang exclusive kong photographer?"

Hindi na niya napigilang mapaikot ang mga mata saka natawa. "Don't flatter me with your words, Brandon, baka maniwala na ako."

"I mean every words that I said, Sofia,"seryoso ang boses na sabi nito.

Muli siyang napatikhim. Hindi siya sanay na nako-corner ang dila niya at lalong hindi siya sanay sa makareñong lalaki.

"Hindi natuloy ang dinner sana natin last two weeks so I guess pagbibigyan mo na ako ngayon?"

Hindi iyon natuloy dahil wala siya sa mood at may dalaw pa siya niyon.

"I take no for an answer now, Sofie."

Aba kung maka Sofie, feeling close na!

Pumili muna siya ng mga litrato mula sa screen para mai-transfer iyon sa isang file bago niya ito muling hinarap. "Sige ba."

Luma-lovelife kana Sofia!

Nagpakawala ito ng malawak na ngiti. "A'right, dinner tomorrow at seven. Susunduin nalang kita."

Magtatanong pa sana siya kung bakit agad agad ay bukas na pero iba ang lumabas sa kanyang bibig. "Uhmm...Okay."

Napalingon sila sa kabilang dako ng pool ng marinig nilang tinawag si Brandon ni Stephanie.

"I guess I have to pack up na, tinatawag kana rin ni Steph. I'll just see you tomorrow."

"Alright Sofie, I'll see you."

Tumango siya at babalingan na sana muli ang ginagawa pero may pahabol pa itong sinabi na binulong pa nito sa kanyang tenga.

"You smell so good, Sofie." Napakindat ito bago tuluyang naglakad patungo sa kinatatayuan ni Stephanie.

Bakit bigla siyang kinilabutan? Naalala tuloy niya ang sinabi ni Gab. He just wanna get inside your skirt, Angel...

Hindi naman siguro lahat ng lalaki kagaya ni Gab? Natutop niya ang noo. Hay! Ano ba yan! Post menstrual blues pa ba to'? Aba'y two weeks na 'to ah?!

Napailing-iling siyang  parang sira at nagsimula nang magligpit ng tumunog ang kanyang cellphone. Lunch time na pala. Alam niyang si Gab iyon.

Dinampot niya ang phone at agad na sinalang sa tenga. "Teka lang Gab, one minute."

"Igagarahe ko lang ng maayos ang sasakyan ko, Sof."

"Hindi na kailangan Gab, aalis narin naman ako, magpapaalam lang ako sa team sandali."

"Dito na tayo kakain,"sagot nito. "Saan kaba at pupuntahan nalang kita?"

Diyos ko hindi pwedeng makita si Gab dito at siguradong pagpipyestahan na naman ang kumag! May pagka snob pa naman ag isang 'to.

"Ah eh, hintayin mo nalang ako sa Beau Grill sa may second floor doon nalang tayo kumain, pababa naman ako."

"Nasaan ka ba?"

"Bababa na nga ako!" sabi niya at ibinaba na agad ang cellphone. Isinukbit na niya ang kanyang laptop at ang kanyang camera saka tinungo muna ang kinaroroonan ng team at nagpaalam.

"Sige, Steph I'll just send you the edited photos tonight."

"Thanks, Sof."

"Sige mauna na ako,"

Napangiting nilapitan siya ngayon ni Brandon.

Salamat naman at may t-shirt na ang isang 'to!

"Gusto mo bang sabay na tayong kumain ngayon, Sofie? I guess wala ka namang gagawin?"

"Uhm...may kasama kasi--"

Natigilan siya ng marinig ang bulong ng isa sa mga crew ng Miliage. "Gin, may naligaw yatang anghel ng kagwapuhan dito. Sino ang lalaking iyan?"

"My oh my... ang pagkakaalam ko tapos na ang photoshoot natin? May next session pa ba at nakalimutan ko yata?! Pahubarin na 'yan at ready na ako! Dali!"

"Steph, pwede siyang pang cover sa next issue ng Miliage!" Tili ng isang kasama rin ng team. "Babahain tayo ng sales!"

Hindi na niya naituloy ang sagot kay Brandon at napalingon sa tinutukoy ng mga babae.

Nanliit ang mga mata niya ng makita si Gab. Sinasabi na nga ba! Shit!Takte ka naman Gab, ba't ba kasi ang gwapo mo?Kainis!

At talagang pinuntahan pa siya nito?

Pakiramdam niya ay may biglang malamig na hanging dumaan at lahat ay napatigil at napatingin kay Gab. Sino naman kasi ang hindi mapapatingin? He was wearing one of those winning white shirt that molded his body, faded jeans, a cowboy boots and a pair of dark aviator sun glasses.

"Hey, Sof?" untag ni Brandon sa kanya, bahagya pang dinama ng isang palad nito ang kanyang pisngi.

"Uh eh, maykasama na kasi akong magla-lunch ngayon." Nakagat niya ang pangibabang labi ng sa direksiyon niya naka tingin si Gab, palapit ito kung saan siya nakatayo. Hindi niya alam kung anong nilalaman ng mga mata nito dahil natatakpan iyon ng sunglasses.

Oh my! Gab, anong ginagawa mo?

Normally, Gab doesn't really meddle with her workmates. Kung sinusundo siya nito ay prente lang itong naghihintay sa kanya sa isang sulok o di kaya ay sa labas.

"Gab!" pinilit niya na ngumiti para maikubli ang pagka-tense.

"Halika kana, Sofia," walang kangiti-ngiting sagot nito at agad na kinuha ang bag ng kanyang laptop at camera. Hindi nito pinansin ang nasa likod na niya ngayong si Brandon. Narinig niyang may ilang taong napatikhim.

"Uhm Sofia, may kailangan ka yatang ipakilala?" bulong ni Stephanie. "Ikaw ha, may tinatago ka palang yaman hindi mo sinasabi."

Napatingin siya kay Gab at napatikhim. " Uhm by the way guys, this is Gabriel Montero, kaibigan ko." Binalingan niya ang mga taong naroon. "Gab, this is Stephanie the team's EIC."

Pa-cute na inabot ni Steph ang kamay nito. "Nice to meet you, Gab!"

Pormal ang mukha ni Gab ng inabot ang kamay ni Steph. "Nice to meet you too, Stephanie."

Steph gave him a flirty smile.

Napatikhim ang mga babaeng kasama nila doon. Muntikan na niyang paikutin ang mga mata.

Ngayon lang kayo nakakita ng gwapong lalaki? Araw-araw naman yatang gumagawa ng photoshoot ang mga 'to! Ano first time lang?

"This is Tanya, Gina, Auttie." Saka niya binalingan si Brandon na nakakunot ang noo sa kanyang likuran. "Si Brandon."

Isa-isang nakipagkamustahan ang mga babae kay Gab na halatang nagpapacute!

Diyos ko naman ano bang nakain ng lalaking 'to!

Matapos niyon ay inabot ni Brandon ang kamay para makipagkamusta kay Gab pero seryosong napatitig lang si Gab dito, bahagya pang nagtagis ang mga bagang nito. Hindi nito inabot ang kamay ni Brandon at basta lang tumango.

Narinig niyang may ilang na pa 'Oh' pero hindi na niya natingnan kung sinu-sino ang mga iyon dahil sa dalawang lalaki siya nakatingin.

"Nice to see here, pare," nakangiting sabi ni Brandon na tila balewala lang dito ang ginawa ni Gab. Pero siya ang nahiya sa inasta ng mahadero niyang sundo!

Hindi nito pinansin si Brandon at basta nalang hinila ang kanyang kamay. "Halika na, Sofia."

"Hey wait Gab, do you do modeling?" pahabol ni Steph na mukhang hindi man lang natinag sa kasupladuhan ni Gab.

"No I don't," deretsang sabad nito. "If you'll excuse us, we need to go."

Hindi paman siya nakapagpaalam ng maayos ay basta nalang siyang hinila nito. Pinilit niyang magpakawala ng mapaumanhing ngiti sa mga tao doon lalo na kay Brandon habang hila-hila siya ni Gab.

Kating-kati na ang dila niyang ratsadahan ito pero nagpakatimpitimpi siya dahil sa may ilan pa silang taong nakasalubong hanggang sa tuluyan na silang makalabas at matapat sa isang elevator.

Pumiksi siya mula sa pagkakahawak nito. Binitiwan naman siya nito. "What was that for, Gab?"

"Wala akong ginawa Sofia, nandito ako para sunduin ka." Pinindot nito ang panel ng elevator at bumukas ang mga pinto niyon.

"Wala? Wala kang ginawa? Pinahiya mo ako lalo na kay Brandon!" Hindi na niya napigilan ang bahagyang pagtaas ng kanyang boses.

Pumasok ito, tinanggal ang sunglasses sa mata at napatitig sa kanya." Hindi ako pumunta dito para makipagpalitan ng pleasantry." Pumindot muli ito mula sa panel ng elevator at muli siyang binalingan. "Pumasok kana, Sofia."

"Makipagpalitan ng pleasantry? Maano lang ba at makipagbatian ka kay Brandon? At hindi ko sinabing puntahan mo ako, ang sinabi ko hintayin mo ako sa baba!" naniningkit ang mga matang sikmat niya dito. "Wala na akong ganang kumain, kumain kang mag-isa mo!"

Sa tinding inis ay nagwalk out siya at lakad takbong binaybay ang lobby ng hotel sa floor na iyon. Maghahanap nalang siya ng ibang elevator. Nagngingitngit ang kalooban niya sa ginawa nito. Pinahiya siya ng gago!

Kaya ilag ang mga lalaki sa kanya dahil hindi paman nakaporma ay binabara na ng walanghiya.

"Bwisit!" inis niyang sambit.

"Sofia, hey!" lalo siyang nabwisit ng marinig ang boses nito.

"Go away, Gab!" sigaw niyang hindi ito nililingon. Nahagip naman nito ang kanyang kamay. "Ano ba!" pumiksi siya at bahagyang napaharap dito. "I said, just go away!"

"Alright, I'm sorry."

"Sorry? Napahiya mo na ako, Gab! Ano bang nagawa ni Brandon sayo at binastos mo siya ng ganoon?"

"Wala akong tiwala sa taong iyon, Sofia."

"Walang tiwala? Bakit kilala mo ba siya para husgahan ng ganyan ha, Gab?"

"Kilala ko at alam ko kung ano lang ang kailangan ng gagong iyon sayo." Makatwirang sagot nito bago muli nitong inabot ang kanyang kamay. " Now, let's resume this over lunch dahil alam kong hindi ka nag-agahan kanina," malumanay na ang tono ng boses nito.

Natigilan siya sa sinabi nito. "Makakakain naman akong mag-isa. At anong ibig mong sabihing kilala mo siya?"

"Saka ko na sasabihin sayo, halika na."

"Hindi! Now, tell me now! Anong ibig sabihin mong kilala mo si Brandon?"

Nawawalan na ng pasensiyang inangat nito ang isang kamay at frustrated na sinuklay ng mga daliri nito ang buhok. "Christ, Sofia, can you let this pass for now? Gutom na ako at alam kong gutom kana rin."

"Let this pass? Bakit sino ba ang nambastos at sumugod-sugod doon? Diba ikaw?" May mga napapadaan na sa lobby ng hotel na nakatingin sa kanila, akala yata ng mga ito'y magkasintahan sila na nagkaroon ng LQ.

"Ayaw mo akong sunduin ka dahil hahayaan mo ang lalaking iyon na malaya kang mahawakan? Bakit Sofia, may namamagitan naba sa inyo ng lalaking iyon?"

Napanganga siya sa sinabi nito. Sa inis ay iba ang lumabas sa bibig niya. "Magkakaroon na sana siguro kami ng relasyon kung hindi ka umepal ngayon! Leste ka! Ano bang problema mo kay Brandon, ha?"

Simpleng haplos lang sa mukha ang ginawa ni Brandon kanina.

Ang hirap talagang ma-spell ng mga lalaki lalo na ang isang 'to! Lord pigilan niyo akong kalmutin ang gwapong pagmumukha nito, isa nalang at masasapak ko na 'to eh! Lakas makatrip at pinahiya talaga ako ng gago!"

"Halika na at hindi magandang mag-usap dito," napahigpit ang pagkakahawak nito sa kanyang kamay. "Ang lakas ng boses mo nakakabulahaw kana sa mga tao dito."

Pumiksi siya muli sa pagkakahawak nito pero lalo lang nito iyong hinigpitan.

"Isa nalang, Sofia. Tumigil kana." Mahina lang ang boses nito pero nahihimigan niya ang pagbabanta roon.

Letse! Bwisit! Ako pa ngayon ang titigil eh siya naman ang nag-umpisa!"

Raratsada pa sana muli siya ng marinig niya ang boses ng isang babae. "Naku napakawalang breeding naman ng babaeng iyan. Sayang hindi sila bagay ng guy, mukhang palengkera at two timer. Sayang ang gwapo pa naman ng guy."

Napalingon siya sa pinanggalingan ng boses at nakita ang dalawang babaeng mukhang sosyalera na nakatayo malapit sa reception, sa harap ng mga ito ay ang dalawa ring babaeng receptionist. Sa palagay niya'y kanina pa nga sila nag-aagaw eksena doon.

Ngayon lang niya napansin na nakatayo na pala sila sa harap ng mismong reception ng floor na iyon, lahat ng mga mata doon ay sa kanila nakatutok, inaabangan siguro kung ano ang susunod niyang iraratsada.

Letse talaga! Mukha ba akong two timer?At paanong nasayang ang kagwapuhan ng animal na 'to?Akala niyo lang sayang kasi gwapo pero impakto ang lalaking 'to!

Muntikan na niyang maabot ang isang malaking babasaging vase sa harapan nila para sana ibato sa bruhang umepal! Alam niyang maganda siya pero nakakababa ng self-esteem ang mga sinabi ng bruha, kahit maganda siya ay mababang uri parin pala siya in comparison to Gab. Hindi sila bagay ganun?

At kailan kapa naging concern kung bagay kayo ng lalaking iyan Sofia? Sabad ng kanyang konsensiya.

Letse! Bwisit talaga!

"Halika na, Sofia," sabad ng kontrabidang nagmumukhang bida sa harap ng mga babaeng nakikita niya.

Binalingan niya si Gab ngayon, hindi niya alam kung narinig rin ba nito ang bulong ng bruhang babae. "I really hate you! I wish you just rot in hell right now and stay there!" sabi niya sa mahina pero nanggigigil na boses, "I will really wring your neck, Montero! Bwisit ka!"

"You can do that later," balewalang sagot nito.

"Bati na ba sila? Bakit mukhang humina yata mga boses nila?" narinig niyang bulong ng isang tsismosang receptionist.

Napahagikhik ang kasama nito na tila kinikilig. "Mukhang hindi pa yata eh. Sobrang gwapo ng guy no? Model kaya siya?"

Mahina lang ang boses ng mga tsismosang nag-uusap pero hindi iyon nakaligtas sa kanyang tenga.

At talagang mas lalo pang dinagdagan ng mga mahaderang ito ang bwisit ko! FYI, ang lalaking sinasabi niyong gwapo lang naman ang nang bibwisit dito tapos pupuri-purihin niyo pa! Magsama kayo!Mga bwisit!

Dahil sa nakakaagaw pansin na sila ay wala narin siyang nagawa kundi ang bahagyang kumalma at ang sumunod sa bwisit na lalaking nagbabalatkayo lang sa gwapong mukha.