Chapter 52

Lauren

Pagkaupo palang ni Lavine ay siya namang pagdating ni Janine at dala na ang aming drinks.

Agad naman itong nginitian si Lavine nang mapansin niya ito sa table namin at tiningnan ako ng nang aasar na tingin.

Base palang sa tingin nito ay mukhang marami itong itatanong sa akin mamaya kapag kaming dalawa nalang nito. Ito pa eh masyadong marites sa buhay ko. Gusto lahat malaman niya. Pero okay lang naman sa akin yun dahil hindi naman ito madaldal na tao. May pagka pakialamera nga lang lalo na pag dating sa akin. Madalas nitong sabihin na para na ako nitong nakakatandang kapatid. Mas matanda kasi siya sa akin ng ilang buwan.

sabi pa niya ay ako ang para na nitong kapatid na hindi natuloy dahil pareho kaming solong anak. Kaya nga sabik kami na may matatawag na kapatid eh.

Maya lang ay binuksan ko naman na ang lunchbox ko at nilabas na mula doon ang kanin at ulam na niluto ko.

Saka binigyan ko na rin tuloy ng plato itong si Janine na ngayon ay nag e star na ang tingin sa pagkain.