Chapter 5: i like your kiss

"I'M WARNING you, Rowan."

Nahihibang na ba si Oliver para umakto ito ng ganoon sa harap ni Madison? Matagal na silang wala ni Gianna at wala na siyang pakialam kung kanino man siya makipag-date. Pinapairal na naman nito ang pagiging spoiled.

Nararamdaman niyang pati si Madison ay hindi na magugustuhan ang takbo ng usapan. "Babe, stop it. Let him be, kung gusto niya si Gianna hayaan mo siya."

"No! I won't let him date her," sambit nito.

Napailing siya at napangisi. Nahihibang na talaga si Oliver. Hindi man lang nito naisip ang mararamdaman ni Madison.

Marahas na tumayo siya sa upuan at hinarap si Oliver. "Oliver, stop! Can you please mind your own business? Wala ka nang pakialam kung sinong lalaki man ang i-date ko dahil matagal na tayong wala." Matalim niya itong tinitigan, bago naglakad palabas ng gusaling iyon.

Naramdaman niya ang luhang pumatak sa mga mata niya. Hanggang ngayon ba hindi pa rin siya tatakasan ni Oliver? Matagal na silang wala pero hanggang ngayon, pinipilit pa rin nito ang gusto nito na maging pag-aari siya.

Naglakad siya patungo sa bus station. Pinahid niya ang luha sa kaniyang mga mata pero mukhang minamalas ata siya nang biglang bumuhos ang ulan. Napabuntonghininga na lang siya at tumingala sa kalangitang nagsimulang dumilim. Naghalo ang patak ng ulan sa mga luha niya.

"Bakit nararanasan kong lahat ng 'to?" hinaing niya sa kawalan. Nagpatuloy siya sa paglalakad kahit pinagtitinginan na siya ng lahat. Hinayaan niyang mabasa ng ulan at yakapin ng lamig.

"Are you crazy?!"

Nagtaka na lang siya nang may humawak sa braso niya. Nawala ang ulang pumapatak sa katawan niya. May payong na humarang sa kaniyang mga ulo habang may lalaking nakahawak sa kaniya.

Nag-angat siya ng tingin at nagulat siya ng makita si Gabriel habang hawak ang payong.

"Are you trying to get sick o gusto mong malunod sa ulan?" Iginiya siya nito patungo sa sasakyan nito.

"I want both, Gabriel. Magkasakit o malunod, it's both fine para kahit pa paano matakasan ko lahat."

"Crazy mindset." Napailing ito.

Nang makarating sila sa sasakyan ng binata, binuksan nito ang pinto niyon at dahan-dahan siyang pinapasok sa unahan. Kapagkuwa'y umikot si Gabriel at sumakay na rin.

May dinukot ito sa passenger seat at ibinigay sa kaniya. "Wear this." Inabot nito ang suit jacket nito.

Hindi niya iyon kinuha, bagkus niyakap niya ang sarili dahil sa lamig na yumakap sa kaniya.

Napasinghap si Gabriel at napailing. "Tss!" Lumapit ito sa kaniya at nilagay sa katawan niya ang suit jacket. Napatingin siya rito na malapit ang mukha sa kaniya. Napalunok siya dahil sa kakaibang naramdaman niya nang magdikit ang kanilang mga balat.

Matapos nitong ilagay sa kaniya ang suit jacket, napatingin ito sa kaniya habang seryosong tinitingnan niya ang magandang feature ng mukha nito. Makakapal ang kilay nito, maliit ang labi at may makinis na kutis.

Kapwa sila hindi nakaimik at walang kibo habang masuyong nakatingin sa isa't isa. Ang mga labi ni Gabriel, ang mga mata nito na tila inaaya siyang at binibigyan ng permisong halikan ito.

Dahil sa nararamdaman niya, dahan-dahan niyang nilapit ang kaniyang mukha kay Gabriel. Wala siyang pagtutol na natanggap mula rito hanggang sa ilapat niya ang mga labi rito. Pumikit siya at sa sandaling iyon, naramdaman niya ang ganti ni Gabriel sa bawat halik niya. Muli niyang nadama ang init at lambot ng labi nito na nagpapahina sa kaniya.

Ang lamig na nararamdaman niya, dahan-dahang nawawala sa hindi niya alam na dahilan.

Kapwa habol nila ang hininga ng maghiwalay sila. Nabasa na rin ng konti ang long sleeve na suot ni Gabriel.

"Are you sure about this?" tanong nito.

Hindi siya nakaimik. Pakiramdam niya'y namumula na ang kaniyang pisngi dahil sa ginawa niyang paghalik dito. Nadala siya sa naramdamang udyok ng isip.

"H-hindi ko alam," aniya.

Ngumisi si Gabriel at bahagyang dumistansiya sa kaniya. "Kung hindi mo kayang panindigan, better to not start the fire, Gianna." Bumaling ito sa manibela ng sasakyan at pinaandar iyon. Kapwa sila walang imik habang lulan ng sasakyan.

"How long have you been in a relationship with Oliver?" basag ni Oliver sa katahimikan.

Nilingon niya ito at hindi agad umimik. "T-three years," pakli niya.

"Have you slept with him?"

"No," sagot agad niya na siyang totoo naman.

"So, you're telling me na virgin ka pa rin until now?"

"Gabriel, mahalaga ba na malaman mo 'yon?" balik niya.

"I just want to know."

Bumuntonghininga siya at bumaling sa labas. Naalala niya si atty. Charles. "Hindi ko alam, Gabriel kung isa ka rin ba sa gustong makipaglaro sa akin," pagbabago niya sa usapan.

"What do you mean?"

"Atty. Charles Benitez is Oliver's friend, Gabriel. Paano ako lalapit sa kaniya kung kakampi siya ng lalaking iyon?"

"I-I'm sorry for that, Gianna. I know Charles, he's a good lawyer at alam ko ring kaibigan siya ni Oliver. Sinabi ko sa kaniyang i-consider ka niya and your case but I'm not who to decide kung tatanggapin niya ang case ng daddy mo o hindi," paliwanag nito.

Hindi na lang siya umimik dahil tama naman si Gabriel. He's trying to help pero hindi pa rin nito hawak ang desisyon ni Charles.

Nang huminto ang sasakyan ni Gabriel, mahina na ang ulan pero pinayungan pa rin siya nito nang makalabas siya ng sasakyan.

"Thank you again and sorry for another trouble I've caused you," nahihiya niyang sabi.

"Take this." Inabot ni Gabriel ang payong. Kinuha naman niya iyon. "I'm trying to help, Gianna and I'm sorry kung hindi ko nagawa."

"No, it's fine, Gabriel. Naiintindihan ko." Pilit siyang ngumiti. "Thank you ulit." Tumalikod na siya pero muling nagsalita si Gabriel.

"I like how you kissed me, Gianna."