Nothing but a paramour

Katarina POV

Inikot ko ang aking paningin sa lugar habang lumalakad papalapit sa naka-talagang lamesa para sa amin. Dito kasi magaganap ang dinner kasama ang magkapatid na Guerrero. Nagliliwanag ang lugar at nakapaikot ang mga body guards nila. Medyo mahangin ng gabing iyon kaya napagdaop ko ang aking mga kamay at napansin ko lang si Master Sev na napangisi. Bakit ba kasi ito ang pinili niya’ng suutin ko? Hindi ko nalang siya pinansin at ipinagpatuloy ang aming paglalakad. Tumayo ang magkapatid ng tumapat na kami sa kanila. Napatingin ako kay Cecilia, napakaganda nito sa suot na manipis na puting dress. Gayundin ang kutis nito na parang ipinaglihi sa labanos. Halatang galing sila sa mayamang pamilya at hindi na nakapagtataka kung bakit nila gustong makipag-alyansa kay Master Sev, simple lang dahil sa proteksyon at kapangyarihan.

Bahagya kong iniwas ang tingin ng mapansin kong sa akin nakatingin si Mr. Guererro. Wala silang maraming salitaan, tulad ng mga karaniwang nasa isang hapunan.