CHAPTER 5

“SA IISANG KUWARTO kami matutulog?”

                “Natural, mag-asawa na kayo ngayon, alangan namang magkahiwalay kayo ng kuwarto?  Ngayon pa lang sanayin nyo na ang mga sarili nyong me katabi sa pagtulog. Gusto na naming magkaapo ‘no!” Sabi ng Daddy niya saka nakangising tingnan ang kaibigan nitong si Facundo.

            “’Ma,” dinig niyang sabi ng lalaki, parang humihingi ng saklolo sa ina.  Hindi niya alam kung matatawa o maiiyak sa nangyayaring ito sa kanya.  Kahapon lang ay dalaga pa siya.  Ni wala nga siyang boyfriend.  Pagkatapos ngayon, biglang-bigla heto at Mrs.Catherine Villanueva na siya.

            Parang um-order lang siya online ng asawa ah.  Ang masama, may defect pa. Sabagay, mainam na ring hindi tunay na lalaki ang napangasawa niya.  At least nakasisiguro siyang hindi siya nito pipiliting magtalik.  At least, walang sex na magaganap sa pagitan nila.

            Pero ibig rin bang sabihin niyon, mamatay siyang virgin?

            Huwag naman.  Pangarap pa niyang mainlab, madiligan at magkaroon ng masayang pamilya.  After five years, siguro naman hindi na magagalit ang Daddy niya kung mag-file siya ng annulment?

            Napapaiyak na siya.  Daig pa niya ang nasentensyahan sa kasalanang ni hindi niya alam kung ano.

            “Oh, ano pang hinihintay nyo, pasok na,” dinig niyang sabi ng kaibigan ng Daddy niya, itinulak nito papasok sa loob ng kuwarto ang anak, saka inihagis ang dala nitong bag dito.  Gumaya naman ang ama niya, itinulak rin siya nito papasok sa loob ng kuwarto saka kinabig ang pinto niyon para sumara.  Narinig pa niyang nagtatawanan ang mga ito habang papalayo.  Gosh, ano bang akala ng mga ito sa kanila?

            Sinipat niya ang lalaki.  Kagaya niya ay nakasimangot rin ito habang iginagala ang paningin sa kwarto niya.  May kalakihan naman ang kuwarto niya, malinis at air-conditioned iyon.  Saka mabango.  Medyo OC kasi siya pagdating sa kanyang mga gamit.

            Namilog ang mga mata niya nang maghubad ang lalaki ng suot nitong shirt at pantalon.  “San ang banyo mo?”

            Nakapikit niyang itinuro ang banyo sa loob ng kanyang kuwarto.  Ilang sandali pa at narinig na niya ang lagaslas ng tubig mula duon.  Hindi siya mapakali, parang nakaregister pa rin sa utak niya ang maganda nitong pangangatawan.  God, ni walang inhibition na naghubad sa harapan niya.  Mano bang takpan man lang nito ng towel ang katawan.

            Pero ang macho, ha.  Siguro madalas itong tumambay sa gym para mang manyak ng mga kalalakihan.  Hindi ba ganun ang style ng mga paminta?

MALALIM ang takbo ng utak ni Andy habang nakababad siya sa shower.  At least ay naiibsan niyon ang stress na nararamdaman niya.  God, bakit ko ba pinasok ang gulong ito? Siguradong magwawala sa galit si Alexa kapag nalaman nito ang tungkol dito? I can’t afford to lose her.  Pero paano nito tatanggapin ang kaganapang ito sa buhay niya?

                “Ahhh. . .” Sigaw niya para pakawalan ang stress na nararamdaman.  Ang gulat niya nang bumukas ang pinto ng banyo.  Nagpanic siya nang makita ang babaeng napangasawa niya sa may pintuan ng banyo.

“Bakit, anong nangyayari? Ekkk. . .” Tili nito nang mapadako ang tingin sa kanyang s*****a na ewan ba niya kung bakit tayong-tayo ng mga oras na iyon. At aaminin niyang me kahabaan iyon. Well, isa iyon sa mga assets niya. Natatarantang hinila niya ang tuwalyang nakasampay sa rack at itinapis iyon sa kanyang h***d na katawan.

            “Damn, bakit kasi bigla-bigla ka na lang pumapasok dito, alam mo namang naliligo ako?”

            “Narinig kasi kitang sumigaw, akala ko kung ano ng nangyari saiyo?” Sabi nitong kaagad na tumalikod at mabilis na isinara ang pinto ng banyo.  Napapailing na itinuloy niya ang paliligo.

Hindi naman siya apektado kung makita pa nito ang buong katawan niya. Laki siya sa States, madalas nga ay naliligo silang magkakaibigan sa pool ng hubot-h***d duon. Pero syempre ay iba ang kultura dito sa Pilipinas kaya nang umuwi sila dito ay malaking adjustment para sa kanilang magkapatid ang lahat. Actually, kung siya ang papipiiin ay mas gusto niya ang buhay sa Amerika.

            But since nagdecide na rin si Alexa na sumunod sa kanya dito sa Pilipinas, At nagboom ng husto ang career nito dito, naisipan niyang mag-settle na rin lang dito at pagbigyan ang kanyang ama na pamahalaan ang kanilang mga negosyo dito.

            Muli niyang naalala ang kanyang kakambal.  Malilintikan talaga sa kanya ang lalaking iyon kapag nagkita sila.  Inilagay siya nito sa kapahamakan at ngayon ay wala siyang maisip kung papaano siya makakalabas sa sitwasyong ito.

PAIKOT-IKOT sa loob ng kanyang kuwarto si Catherine.  First time niyang makakita ng live na sex organ ng lalaki.  Nangangatal ang kanyang buong katawan sa takot.  Ang laki, ang haba.  OMG.

            Kailangang gumawa siya ng mga kondisyon kung gusto nitong maging maayos ang pagsasama nila.

            Kumuha siya ng papel at ballpen at inumpisahan ang mga rules and regulations na gusto niyang tupdin nito habang nagsasama silang dalawa.

            Bawal maghubad sa harapan niya.

            Bawal maligo ng matagal.  Fifteen minutes are enough to take a shower.  Bawal galawin ang mga gamit niya.  Bawal sumigaw sa loob ng banyo dahil nagkaka-anxiety siya.  Minsan na kasing nadulas sa loob ng banyo ang mommy niya at very traumatic sa kanya ang experience na iyon.  Ang mga susunod na kondisyon ay sa ibang araw na lamang niya susulatin.  Huminga siya ng malalim saka pinirmahan ang kondisyon na kanyang ginawa.  Umikot ang eye balls niya nang lampas thirty minutes na ay hindi pa rin ito lumalabas ng banyo.  Ano pa ba ang pwede nitong gawin sa loob ng banyo besides sa dumumi at maligo. 

            Natakpan niya ang kanyang bibig nang maisip kung ano ang possible nitong ginagawa sa loob.  Mukha pa namang me pagka-pervert ang pamintang iyon.  Mas lalo siyang nagpanic.  Kahit binabae pa iyon, possible pa ring makabuntis.  OMG.

            Inabot yata ito ng forty five minutes bago ito lumabas sa banyo.  Tumayo siya at yamot na iniabot dito ang isinulat na mga kondisyon.

            “Ano ‘to?” Nabubugnot na tanong nito sa kanya.

            “Basahin mo para maintindihan mo!” may sarcasm na sagot niya dito.

            “What? Fifteen minutes lang ako pwedeng maligo sa banyo? Ano ‘to, communist? Uy, kung hindi ka maayos maligo, ‘wag mo kong iparis saiyo ‘no!” Maangas na sabi nito sa kanya, “I make sure malinis na malinis ako bago lumabas ng banyo!”

            “As if naman makukuskos mo lahat ng bahong tinatago mo dyan sa loob ng katawan mo!”

            “Anong sinabi mo?” Kunot-nuong tanong nito sa kanya.

            “Kilala kita.  Alam ko ang kulay ng dugo mo!  Kaya ‘wag kang aasta-asta dyan na akala mo astig ka!  Saka pwede ba, ‘wag mong pinagmamalaki yang. . .ýang, ano mo dahil kahit mahaba ýan, alam kong. . .”

            Lumapit ito sa kanya, bahagya siyang napaigtad lalo na nang ilapit nito ang mukha sa mukha niya.  Ang bilis ng pintig ng puso niya lalo na nang maamoy ang scent nitong fresh na fresh.  Kahit nakabukas ang air-con ay ramdam niya ang pawis sa kili-kili niya.

            “Huwag mong sabihing first time mong makakita ng ganito kahaba?” Pilyong tanong nito sa kanya, parang gusto talagang subukan ang pasensya niya, napalunok siya nang idikit nito ng husto ang mukha sa mukha niya.