Chapter 2

"Zetha, magtino ka nga sa bago mong eskwelahan." 'Yan ang bilin sa'kin ni Daddy.

Hawak ko ang isang pirasong papel, laman nito ang room at schedule ko. May mga estudyante akong nakakasalubong. Ang iba, ayon sa reaksyon nila, kilala na ako. Sino ba ang hindi nakakakilala sa akin? Kinuha ko ang cellphone ko sa bulsa. Tinawagan ko si Alexa dahil ang usapan namin ay sabay kaming papasok.

"Hello, Zetharine Marcelo." Maarteng bungad niya sa'kin.

"Nasaan ka na?" Ubos ang pasensyang tanong ko sa kanya.

"Tingin ka sa likod mo." She said.

Mabilis kong pinatay ang tawag at humalukipkip. Hindi ako lumingon sa likuran, hinihintay na dumating ang magaling kong kaibigan. Tulad ng inaasahan ay umakbay sa'kin si Alexa. Iritado kong inalis ang kamay niya sa balikat kong nakaakbay. 

Mas matangkad siya sa'kin. She have monolid eye-shape with her color chestnut brown eyes. Slim ang katawan niya at kung tutuusin ay papasa siyang modelo. Natural ang beachy wave niyang buhok. Pointed nose and pinkish lips.

"Room A16." Sambit ko.

"Sorry to say pero nag-shift ako ng course." She said.

"What!? Why!?"

"Naisip ko kung ano ba talaga ang gusto ko. I want to be a flight attendant. Kaya nag-shift ako sa tourism."

"Bakit nandito ka pa?"

"Ihahatid kita sa room mo. Balita ko kasi kaklase mo si Leenox." Humalakhak siya kaya naman napatingin sa'min ang ibang estudyante. 

Natigilan ako sa paglalakad sa sinabi niya. Huminto rin siya at nameywang. I rolled my eyes at her. Ang tingin niyang may mapang-akusa ang iginawad niya sa'kin. Naiiling akong nagpatuloy sa paglalakad at hindi na sinabi sa kanya ang nasaisip. 

"Huwag mo na akong ihatid. Hindi kita nanay." Iritado kong wika.

"Okay. Bye." Mabilis niyang sang-ayon at iniwan ako. 

Habang naglalakad ay biglang may bumangga sa'kin. Nahulog ang dala niyang mga folder. Napahinto ako sa paglalakad. Pinulot niya iyon at nanatili lang akong nakatayo. Nakahalukipkip kong pinanood ang pagpulot niya sa mga folder niya dala. Nang tumayo siya, handa na sana akong sigawan siya pero nagbago ang ihip ng hangin.

Isang Zamora. Sa mata at tindig pa lang ay malalaman mo na agad kung Zamora ang kaharap mo o hindi. Mapula ang kanyang labi, matangos ang ilong. Tipid siyang ngumiti sa'kin. Hindi man lang magsusungit?

"I'm sorry, Miss." Sabi niya at saka nilagpasan ako.

Ako naman itong hindi man lang nakapagsalita. Tumunog ang bell hudyat na magsisimula na ang klase. Mabuti na lang at malapit na ako sa classroom ko. Pagpasok ko at nagsasalita na ang professor sa harap. Humarap ito sa'kin at tiningnan ako mula ulo hanggang paa. Pinasadahan ko ng kamay ang aking buhok para mas makita niya ang kagandahan ko.

"Miss?"

Ngumiti ako. "I'm Zetharine Marcelo. But you can call me Zetha." I said at naglakad patungo sa bandang dulo. Umupo ako sa tabi ni Leenox na ngayon ay malaki ang ngisi.

Leenox and the mischievous glint in his eyes. Tuwing tatapunan ko siya ng tingin at magtatama ang aming mata ay pakiramdam ko, may iniisip siyang kalokohan. I can smell his scent. Nanunuot sa ilong ko ang mabango niyang amoy. Is that one of his assets kaya nagkakandarapa ang mga babae sa kanya? 

Kinalabit niya ako pero hindi ko siya pinagtuunan ng pansin. Nananatiling sa propesor ang tingin ko. Pero kahit anong pader ang ilagay ko sa sarili ay natibag din iyon nitong Zamora'ng katabi ko. Inis kong siyang nilingon at tinaasan ng kilay.

"What do you want!?" Pabulong kong singhal sa kanya.

"You didn't inform me. Sana ay sinundo kita at sabay na tayong pumasok." He said while smiling at me.

I rolled my eyes at him. "Stop playing your games. Bakit ko sasabihin sa'yong lilipat ako rito? Ano ba kita?"

"As the matter of fact, I'm your husband." He answered me.

"Husband my ass." Bulong ko at inirapan siya.

"Wife..." tawag niya pero hindi ko pinansin.

Nakakairita siya. Mas gugustuhin ko pa yatang maging kaklase ang Zamora'ng nakabangga ko kanina dahil sa hitsura pa lang nito ay halatang mabait na. Nakakairita itong si Leenox. 

"Wife..." kalabit niya ulit. Inis kong hinawi ang kamay niya.

Tumayo ako dahilan para makuha ko ang atensyon ng prof namin. 

"What's the problem, Miss Zetha?" She asked.

"Pwede bang makipagpalit ng pwesto? This guy who's sitting beside me is really annoying." I said.

Nanlaki ang mga mata ng mga kaklase ko sa sinabi ko. Nagulantang din ang prof namin. Hindi nila inakalang masaaabi ko iyon dahil alam nilang Zamora itong katabi ko. Binalingan ko ng tingin si Leenox na nakangisi pa rin sa'kin. 

"Prof. Mel, sorry for her attitude. May hindi lang kami pagkakaintindihan ng babaeng 'yan." Wika ni Leenox.

Hinawakan niya ang palapulsuhan ko at pwersahang hinila paupo sa silya. Tumikhim ang prof at nagpatuloy sa pagtuturo. Sa sobrang inis ay kinurot ko sa braso si Leenox. Napangiwi naman siya sa ginawa ko. Tinaasan ko siya ng kilay at pinakitang wala akong balak mag-sorry sa kanya. 

Pagkatapos ng klase ay mabilis akong lumabas ng classroom. Tinext ko si Alexa na magkita kami sa cafeteria. Taas-noo akong naglalakad sa corridor. At mabilis kumalat ang balita sa ginawa kong pagreklamo sa prof dahil lamang sa naiirita ako kay Leenox.

"Ang kapal ng mukha niya."

"Pasalamat siya at katabi niya si Leenox."

"Akala mo naman sobrang ganda niya."

"Right! I think mas maganda pa ako sa kanya."

"Siya iyong playgirl na si Zetha."

Pinasadahan ko ang aking buhok ng mga daliri ko. Pakiramdam ko ay isa akong modelong naglalakad papalapit sa mga inggiterang unggoy. Matamis ko silang nginitian. Nanigas sila sa kinatatayuan nila. Mapang-insulto ko silang tiningnan mula ulo hanggang paa.

"Makapal ang mukha ko? I don't think so. Ikaw nga makapal din ang mukha mo tapos makapal pa ang makeup mo. Coloring book ka ghorl?" Nginisian ko siya at bumaling ako sa katabi niya. "You think mas maganda ka sa'kin? No. Magmaganda ka kapag hindi na drawing 'yung kilay mo." 

Kinindatan ko pa silang dalawa bago tuluyang umalis. Ayoko pa naman sa lahat ay ang mga nagmamaganda sa harap ko. Tingin ko nga, kahit na magparetoke ang mga 'yon ay mas angat pa rin ang kagandahan ko. 

Pagpasok ko sa cafeteria ay naabutan ko na si Alexa na naghihintay. Nag-angat siya ng tingin sa'kin at kumaway. Inirapan ko siya at nagtungo sa kanya. 

"Inorder na kita." She said.

"Whatever."

"Ang bagal mo talagang kumilos. Alam mo bang halos ten minutes na akong naghihintay rito?" Sabi niya.

"Hindi mo ikamamatay ang paghihintay ng ten minutes." Sabi ko.

"Tss. By the way, ang ganda pala rito sa EZU. Sana pala noon pa tayo lumipat dito." Sabi niya at tumango naman ako.

Totoo ang sinabi niya. Maluwang ang EZU. Sa main gate, pagpasok mo ay may makikita ka agad na malaking fountain. Ang cafeteria ay maluwag at masasarap ang pagkain. Halatang pang mayaman lang talaga itong University. Ang parking lot ay halos mapuno ng mamahaling kotse. Halos lahat ng sports equipment ay kumpleto din sila. Pool area, soccer field, gymnasium, etc. name it.

Kung ano-ano pa ang ikinuwento ni Alexa. I stopped laughing abruptly, picked up my soup spoon, remembered that I had finished my soup and put it back again.

"Wife!"

Pareho kaming natigilan ni Alexa. Bumuntong hininga ako at hindi pinansin ang patawag. Hindi na ako nagulat nang may tumabi sa'kin. Nilapag niya ang tray ng pagkain. Nag-angat ako ng tingin at agad iyong lumipat sa dalawang lalaking kasama niya.

Umupo sa tabi ni Alexa iyong lalaking nakabangga ko kanina at napagitnaan naman ng dalawang magpinsan ang isa pa. Si Leenox, aura pa lang ay alam mo nang maloko. Ang isang nakabangga ko kanina ay masasabi kong mukhang mabait pero ayoko magconclude, isa siyang Zamora kaya imposibleng hindi niya nakuha ang ugali ni Leenox. 

Pero itong isang kasama nila ay walang emosyon. His eyes were color grayish and cold as ice. Matangos ang ilong. Ang labi ay natural na mapula. His hair were color black na may highlights na kulay gray. Tinapunan niya ako ng tingin.

"Am I too handsome?" He asked.

Nag-iwas ako ng tingin. "Not really." Sagot ko.

"Shut up, Chace. Alam nating mas gwapo ako sa'yo." Sabat ni Leenox.

"Mas gwapo ako dahil nauna ako sa'yong ipinanganak. Latak ka na lang ng lahi natin." Chace answered using his deep but cold voice.

"C'mon. Mas matanda ka lang sa'kin ng isang taon." Sagot ni Leenox.

"Dito pa kayo nag-away. Nakakahiya sa dalawang babae." Sabat nung isa. Bumaling ito sa'min. "I'm Akeem." He said.

Ngumiti ako sa kanya. "Zetha and Alexa." Turo ko sa kaibigan ko. 

"Yah! Kay Akeem nakangiti pero sa'kin nagsusungit." Sabat ni Leenox.

"Mas mukhang matino raw kasi si Akeem kaysa sa'yo." Sagot ni Chace at tinapunan kami ng tingin ni Alexa. "I'm Chace Zamora." 

"Lumayas na nga kayong dalawa! Kinukuha niyo ang atensyon niya. Ba't hindi kayo sa restaurant kumain?" Wika ni Leenox.

Walang emosyon siyang binalingan ni Chace. "May I remind you, ikaw ang naghila sa'min dito ni Akeem."

Tahimik lang kaming dalawa ni Alexa. Mali pala ang akala ko. Hindi sila magkakatulad ng ugali. Itong si Akeem ay mabait at madaling i-approach. Si Chace naman ay cold at magdadalawang-isip ka kung lalapitan mo ba o hindi. Si Leenox naman, err, madali siyang i-approach pero in a malanding way. Oras na lumapit ka, sa kama na ang bagsak niyo.

"Wife--"

"Zetha. Zetha ang pangalan ko." Diin ko.

"Whatever. Sabay na tayong pumasok?" He asked.

"No thanks. Kaya kong pumasok mag-isa."

"Taray mo. Magkaklase tayo kaya sabay tayong papasok."

"Pumasok ka mag-isa mo." Bara ko. "Ba't ba nandito ka? Nakakairita."

"Naiirita ka sa sarili mong asawa?" Pang-aasar niya.

"Asawa? Ikaw ba 'yong babaeng nagdeklarang asawa mo si Leenox noon sa bar?" Sabat ni Akeem.

"It's just a dare." Sabi ko.

"Ayaw mo talaga kay Leenox?" He asked.

"Mukha bang gusto ko siya?" Balik-tanong ko sa kanya.

"May mga pinsan pa kami kaso sa restaurant kumain. Reto kita gusto mo? Merong mas better kay Leenox." Sabi ni Akeem.

"Shut up, Akeem." Iritadong saway ni Leenox.

Umiling ako at uminom ng tubig. "No thanks, Akeem. Wala akong balak magkagusto sa mga Zamora." Sabi ko ng may pinalidad.

"Really?" Napatingin ako kay Chace. Naninindig ang balahibo ko nang ngumisi siya. "Pero oras na magustuhan ka ng isang Zamora ay hindi ka na makakawala. Guard yourself, lady." He mysteriously said.

Bumabagabag sa'kin ang sinabi ni Chace. Well, I don't really care about them. At kung magugustuhan man ako ng isa sa kanila ay wala akong pakialam. Wala akong planong magmahal dahil kakambal lang nito ay sakit. Iyon ang pinakainiiwasan kong mangyari. 

Ni-bun ko ang buhok ko at nagpalit ng PE uniform. May choice kami kung volleyball o badminton ang sasalihan namin. Badminton ang pinili ko dahil hindi naman ako fan ng volleyball. Sa gilid ng mata ko ay nakikita ko ang nakangising si Leenox habang nakaupo sa bench. 

Inabot sa'kin ng kaklase namin ang raketa. Duo ito at talagang kinausap ni Leenox ang prof namin para kaming dalawa ang magkapartner. Ako ang nasa harap at siya ang nasa likod. Ang kabilang kampo ang nag-serve. Nilingon ko si Leenox. Ngumisi siya sa'kin at tinira ang shuttlecock. 

Pinagmasdan ko ang galaw ang ng kalaban namin. Hindi makapagfocus ang babae dahil kay Leenox. Mukhang inaakit nitong si Leenox ang kalaban para naming distracted. Kinuha ko na iyong pagkakataon para tambakan pa sila. Sa huli, kami ang may mataas na puntos.

Umupo ako sa bench at uminom ng Gatorade. Pinagmasdan ko ang masamang tingin sa'kin ni Jamila (kalaban namin). Lumapit siya sa'kin habang salubong kilay. Humalukipkip siya at iritang-irita.

"Dinaya mo kami." Inis niyang wika.

Nginisihan ko siya. "Hindi kami nandaya. Hindi rin namin kasalanan kung mas pinairal mo 'yang atraksyon mo kay Leenox. Na-distract ka kay Leenox kaya kayo natalo. It's not our fault." Sabi ko.

"Hey, anong nangyayari?" Biglang sumulpot si Leenox at umupo sa tabi ko. Inagaw niya ang hawak kong face towel at pinamunas iyon sa kanyang mukha.

"W-Wala, Leenox." Lumukot ang mukha ko nang maging mahinhin ang boses nito. Pabebe.

"Sabi niya ay nandaya daw tayo." I answered bluntly. Nanlaki ang mga mata niya at mabilis na nataranta.

"Nandaya? When? Wala akong maalala." Wika ni Leenox at kinuha ang Gatorade na hawak ko.

"A-Ahh, Leenox."

Nakangising binalingan ng tingin ni Leenox si Jamila. Uminom muna siya ng Gatorade bago magsalita. "Hindi kami nandaya. You're just too distracted." Sabi nito at nahihiyang tumango si Jamila bago umalis.

Inis kong binalingan ng tingin si Leenox. Nakasampay sa balikat niya ang face towel ko at hawak naman niya ang Gatorade ko. 

"Bakit mo pinamunas sa mukha mo 'yang face towel ko!? Tapos ininom mo pa ang Gatorade ko." 

"Hindi ka mamamatay sa pawis ko, Zetha. Mabango kaya 'to. Gusto mo h'wag mo nang labhan at i-frame mo pa." Nakangisi niyang sagot.

"Eww! Salahula naman."

Inabot niya ang Gatorade. "Hindi ko naman inubos." Sabi niya.

Umiling ako. "Sa'yo na 'yan. May laway mo na." Sabi ko.

Tinaasan niya ako ng kilay. "Ano naman? Ba't parang nandidiri ka? Nakikipaghalikan ka nga sa kung sino-sino tapos itong bote na ininuman ko ay diring-diri ka na."

"Laway conscious ako." Sabi ko.

Sarkastiko siyang tumawa. "Nakikipaghalikan ka sa iba tapos laway conscious ka? Laway conscious ka lang pagdating sa'kin. Makita mo, paghinalikan kita baka manigas ka diyan sa kinauupuan mo." Madilim niyang wika bago tumayo at iwan akong nakatulala.

Ano naman sa kanya kung nakikipaghalikan ako sa iba? 'Tsaka hindi iyon kung sino-sino lang dahil may taste naman ako sa lalaki. Boyfriend ko iyong hinahalikan ko. Anong problema niya? Siya na nga itong nang-agaw ng inumin. Tapos hahalikan pa raw niya ako? I don't care. I can kiss someone without feelings. Pero ang punto ay bakit parang naging iritado siya bigla?