Chapter 4

Sakay ng helicopter ay tanaw na ni Alexandros ang kabuuan ng islang pag mamay ari nila kung saan nakabase ang Millionaire Men's Club. Hindi sila nagsisisi na ginawa nila itong exclusive club dahil nakikita nya ang potensyal nito. Marami na pinagbago mula nung huli sya nakapunta dito, may mga villa syang nakikita na nakatayo sa may bundok at meron din naman nasa harap ng dagat. Mukhang inasikaso talaga ito ng nakakatanda nyang kapatid.

''Amari, what is my schedule for today?'' tanong nya sa secretary nya pagka lapag nila sa helipad ng club. Lumakad sya papunta sa golf cart at sumakay dito. Sumunod naman sa kanya si Amari at sumakay sa likod. Pinaandar na ito ng nakaabang na staff sa kanila.

''You have a meeting with the manager of the floating restaurant in 15 minutes, after that you need to visit the new cafe that's gonna operate soon. That's it, the rest of your day is free.'' dere-deretsong sabi nito habang nakatingin padin sa Ipad.

Tumango tango lang sya at inilibot ang mata sa paligid ng club. Maganda ang pagkaka gawa ng lugar nila. Napreserve padin kahit papaano ang natural na ganda ng paligid. Huminga sya ng malalim, preskong hangin. Mukhang makakapag relax padin sya kahit trabaho ang pinunta nya dito.

Nakarating na sila sa unahang bahagi ng isla kung saan naka tayo ang reception nila para sa mga guest na gusto magstay. Meron silang cabin at hotel para sa mga ito. Samantalang nasa may likurang bahagi naman ng isla ang private villa para sa mga member nila. 

''Good morning.'' Bati nya sa mga receptionist.

''Good morning din, Sir.'' Sabay sabay na bati ng mga ito at ngumiti pa na akala mo kinikilig.

Hindi na lang nya pinansin ang mga tili ng mga ito at lumakad na papunta sa floating restaurant kung saan nakatayo ito sa may parte ng dagat. Nasa gitna ito habang sa magkabilaan naman ay may tig anim na cabin. Nasa mababaw na parte lang naman ito.

''Welcome to Fresh Floating Restaurant!'' 

''Thank you.'' Ngumiti sya sa mga staff na sumalubong sa kanila.

''I have a meeting here with the manager.''

''This way Sir! Ms Celestynka is waiting for you already.'' Iginiya sila ng mga ito sa may gilid ng restaurant kung saan kita nya ang mala crystal blue na dagat. Idagdag mopa na salamin ang sahig sa parte nito. Open area ang floating restuarant kaya tagos ang hangin. Talagang presyo sa pakiramdam.

Nakita nya ang isang babae naka sandal sa maliit na pader at nakatanaw sa dagat. Nakasuot ito ng sumbrelo  at hinahangin ang mga buhok. 

''Ms Celest, andito na po yung ka meeting nyo.'' Sabi ng staff na nagdala sa kanila at umalis nadin.

Humarap ang babae at nagliwanag ang mukha. Ngumiti ito at lumapit sa kanila sabay lahad ng kamay sa harap nya. 

''Hi! I'm Celestynka, but you can call me Celest. I'm the manager of this Fresh Floating Restaurant na kasing fresh ko!'' sabi nito at tumawa pa. Maganda ito pero mas maganda padin si Elaine.

''Elaine..''

Bigla syang umiling at tinanggap ang nakalahad na kamay sa harap nya. Hindi nya alam bakit bigla nya pinag kumpara ang ganda ni Elaine at ng babaeng nasa harap nya. Nasisiraan na ata sya ng ulo.

''Alexandros Ruffalo.'' Pagpapakilala nya dito.

''I know, nice to finally meet you. Please take a seat.'' Turo nito sa harap nya.

''Thank you.''

Bumaling ito sa kasama nya at niyakap si Amari. Nagulat naman ang huli sa pagyakap ni Celestynka kaya kumalas din ito agad at umatras ng ilang hakbang dito. Hindi naman 'yon pinansin ni Celestynka.

''Ang ganda mo girl! Ang fresh fresh ng look mo minus the office attire you're wearing right now. Hindi kaba naiinitan?'' ani ni Celest sabay tingin mula ulo hanggang paa ni Amari sabay ngiwi.

''No, but thanks for the compliment.'' Maikling sagot dito ni Amari at umupo nadin sa tabi nya.

Nagkibit balikat lang si Celest at umupo nadin sa harap nila. ''So.. let's start the meeting. We need more staff since summer is coming soon...''

 ***

Malungkot na umuwi sa kanila si Elaine dahil natanggal sya sa Extra nya trabaho- Ang pagtuturo ng piano. Kailangan pa naman nya ng trabaho ngayon at kulang ang sinasahod nya sa resturant.

Umupo sya sa gilid ng gate nila at napabuntong hininga na lang. Saan sya kukuha ng pandagdag para sa gamot ng bunso nila?

''Ay wow Beshy! lalim ng pagbuntong hininga mo ah? daig mopa pasan ang mundo.''

Lumingon sya sa bagong dating at nakita nya si Melody, ang kababata nya at bestfriend, umupo ito sa tabi nya. Sumandal naman sya dito.

''Bff, kailangan ko ng kwartaaa!''angal nya dito.

''Sorry beshy, wala ako nan. Pero if lalaki gusto mo marami ako nan!''

Sumimangot sya at hinampas ito. ''Seryoso nga beshy! Kailangan ko ng raket. Alam mo naman mahal mga gamot ni Sabrina.''

''Alam ko beshy, kaya nga din ako nagpunta dito para sabihin sayo na naghihire ng mga staff ang MMC, bagay tayo dun at parehas tayo maganda! Dagdag mopa malaki raw pasahod kaya bongga!.''

''MMC?'' kumunot ang noo nya at napatingin pa dito.

''Millionaire Men's Club Beshy! Duh! Saan kaba nakatira at hindi mo alam yan? Pugad yun ng mayayaman at gwapong lalaki. Recruitment day daw bukas, ano tara?''

***

''Welcome to Millionare Men's Club!''bati sa kanilang lahat pagka baba nila ng yate na pag  aari din ng MMC.

Lahat sila ay manghang mangha sa ganda ng Isla, hindi pa sila nakakapasok nito sa mismo loob pero halos lahat sila ay hindi mapigilang mapanganga. Heaven..  Ang ganda ng kulay ng dagat, mukhang masarap maglangoy.

Lumakad sila papalit sa security cabin. Anim sila nakapasa sa recruitment nung isang araw at ayon sa meeting sobrang higpit ng security sa isla. Hindi daw basta basta nakakapasok sa loob kung hindi ka member, nagttrabaho o hindi ka imbitado. 

Ibinaba ni Elaine ang dala nya maleta sa scanner at lumapit sa security guard na lalaki. Nakita na nya nauna na maglakad ang bestfriend nyang si Melody papunta sa Golf cart na nagaantay sa kanila na magdadala sa staff cabin. Ibbody check na sana sya ng biglang may sumigaw sa harapan nya.

''Stop!''

Napahinto sa ere ang mga kamay ng lalaking security guard na kakapkap sana sa bewang nya ng marinig nila ang sigaw nayun. Tumingin sya sa harap at nakita si Alexandros!

Nagmamadali itong lumapit sa kanila at hinigit sya sa gilid nito. Nagtatakang napatingin sya sa mukha nito na halos hindi maipinta. Mukhang wala sa mood ang binata. Pero anong ginagawa nito dito?

''She's safe, no need to check her.'' sabi pa ng binata.

Kinuha nito ang mga maleta nya at hihigitin sana sya ng magsalita ang pinaka head ng security cabin. 

''Sir Alex, she need to put this tracker.'' ikakabit sana sa kanya ang bracelet ng inagaw ito at ikinabit sa kanya ni Alexandros.

Maang na napatingin sya dito. Ano ba problema ng binata? Bakit bigla na lang ito sumusulpot kung asan sya?

''Let's go.'' Hinigit na sya ng binata at isinakay sa dala nitong golf cart kanina.

''Hoy Alexandros! Saan moba ako dadalhin!? May trabaho ako dito!'' sigaw nya sa binata pero hindi sya pinansin nito.

Deretso padin ang pagmamaneho nito. Kahit anong sigaw at tanong nya dito ay hindi ito sumasagot. Para syang hangin dito, kaya imbis na mapagod kakasigaw ay tumahimik na lamang sya at pinagmasdan ang magandang tanawin nakikita nya.

Hindi nya akalain na may ganto pala  kaganda lugar sa pilipinas. Pero mas di nya akalain na andito din si Alexandros, akala nya huli na ang pagkikita nila nung gabi muntikan na may mangyari masama sa kanya.