Chapter 62

Nagpaalam naman si Camilla sa mommy ng asawa niya bago siya umalis sa mansion nila. Ang sinabi niya lang dito ay magkikita silang dalawa ng kaibigan niya na si Mika. Hindi naman nagtanong pa ng kung anu-ano si Agnes sa kanya. Nagsabi naman siya dito na hindi naman siya matatagalan. Uuwi lang naman siya sa mansion.

Nagpahatid si Camilla sa driver nila kung saan silang restaurant magkikita ni Georgia na hindi alam na siya ang makikita at hindi si Hector na inaasahan nito. Kinakabahan siya habang nasa daan siya patungo doon. Bumaba naman na kaagad siya sa kotse na sinasakyan niya nang nasa tapat na siya ng restaurant na 'yon. Hihintayin siya ng driver nila kaya nagpark muna ito doon sa parking lot na nasa harapan ng restaurant.

Hindi naman sa kanya nag-usisa ang driver na naghatid sa kanya. Wala naman itong pakialam kung sino ang kikitain niya. Ang trabaho lang naman nito ay ang ipag-drive sila at wala nang iba pa. Hindi nila trabaho ang makiusyoso.

Nagpakawala muna nang malalim na bu