Chapter 71

"Bessie, kahit ano'ng gawin mo na paninisi sa papa mo ay wala naman na tayong magagawa pa, 'di ba? Tapos na. Nangyari na. Hindi na natin maibabalik pa ang mga nangyaring 'yon. Hindi na rin niya maitatama pa ang pagkakamaling nagawa niya. Wala na tayong magagawa pa, bessie," sabi ni Mika sa kanya.

"Alam ko naman 'yon, bessie. Hindi na maibabalik ang lahat at hindi na rin niya maitatama ang maling nagawa niya. Ang sakit-sakit lang talaga na nagawa niya 'yon sa amin. Naglihim siya sa amin kahit noong buhay pa si mama. Kaya pala hindi niya masabi-sabi sa akin kung bakit nagawa niyang mang-utang kay Hector na asawa ko at sabihin kung saan siya namalagi ng isang buwan na hindi magawa-gawa na magpakita o magparamdam sa akin ay dahil nandoon siya sa anak niyang 'yon na may sakit na cancer," sabi ni Camilla kay Mika na kaibigan niya. "Napakawalang hiya talaga ng aking ama dahil nagawa niya 'yon sa amin ng mama ko. Hindi ko talaga siya mapapatawad, bessie. Hindi ko na siya gusto na makita pa ka