Chapter 43- Finding The Solution

DAHIL WALA pa ring idea ang Makati police team tungkol sa kinaroroonan nina Eunice at Fifth ay nagpatuloy ang kanilang oplan sita sa buong lungsod ng Makati. Hanggang sa lumipas ang isang linggo at ibalita pa rin kay Samuel ng Makati police team na, "Negative pa rin, boss. Hindi pa rin namin nakikita si Eunice Caballero at Fifth Pascual. Pero babalitaan ka kaagad namin kapag nakita ng team namin ang dalawa."

"Okay, salamat pa rin, chief."

Bigo mang makakuha ng bagong impormasyon sa mga pulis ay nag-conduct na rin siya ng aksyon gamit ang social media ukol sa paghahanap kay Eunice, dahil kapag may nakapagturo sa kaniya tungkol sa kinaroroonan nito ay posible niya na ring makita si Fifth. "Kung sino ka mang kasabwat ni Eunice, kabahan ka na kapag natsempuhan kita dahil siguradong mananagot kayong dalawa sa batas sa ginawa n'yo sa kaibigan ko!" galit na paninindigan niya sa sarili.

Hanggang sa magpasya na rin siyang bisitahin si Rosette at balitaan ang mga magulang ni Fifth tungkol sa