Chapter 38- It Takes Time

NASUNDAN PA ng masayang kwentuhan ang kanilang unexpected lunch kasama sina Levi at ang magulang nito. Subalit sa kabila ng kasiyahang iyon ay hindi talaga mapanatag ang kalooban ni Rosette gayong wala pa ring paramdam sa kaniya si Fifth.

Hanggang sa magpaalam na rin sina Levi at ang magulang nito sa kanila. Doo'y hindi naman sinamantala ni Roselle ang pagkakataon para hingin ang numero nito.

"Ah, Levi? P'wede bang makuha ang number mo?" Bahagyang napakunot ang noo ng binata sa lakas nang loob ni Roselle na sabihin 'yon. "Hmm, para naman alam ko kung paano makakabawi sa'yo sa pagliligtas mo kay ate kanina."

"Ah, sure!" walang alinlangang sagot ni Levi. At doo'y kusa nitong itinipa ang numero sa mismong cellphone ni Roselle. Nakita nilang nagpasalamat si Roselle kay Levi.

'Bakit? Ano bang nangyari?" tanong agad ng kanilang ina.

"Ah.. nay--" natigilang sabi niya.

"Natisod po kasi kanina si Roselle sa mga wirings doon sa may arena. Tapos nasalo ko po siya kaya hindi siya natuluyang natu