Kabanata 6

Nakatingin lang si Caspian kay Davina na bakas ang pagkaseryoso habang ang matanda naman ay seryoso ng nakatingin kay Davina pero kay Caspian ito nakatingin. Magkatitigan na ngayon si Caspian at Davin, nanlilisik ang mga mata ni Davina habang blangko lang naman ang kay Caspian. Ngayong nalaman ni Davina sa mismong Lolo ni Caspian na marami na pala itong inuuwing babae, hindi niya ipagsisiksikan ang sarili niya sa lalaking katulad niya. Ang lalaking ang tingin sa kababaihan ay isang laruan lamang.

Hindi naman niya talaga ito gusto eh, naipit lang talaga siya sa sitwasyon saka malay niya bang may isinasagawa pala sa kwartong pinasukan niya tapos nakawedding gown pa siya.

Napatikhim na ang matanda dahil ramdam niya na ang pagiging seryoso ng dalawa. Tiningnan ulit ni Chariman Sanchez ang papel na nakalahad sa harapan niya at malinaw niya namang nakikita ang nakasulat dun. Nanlilisik pa rin ang mga mata ni Davina kay Caspian kaya iniwasan na lang siya ni Caspian ng tingin.

“So, it’s true, you are my grandson’s wife?” seryoso ng tanong ni Chairman.

“Yes Sir and soon to be his ex-wife po.” Ramdam nila ang pagiging seryoso ni Davina. Ayaw din naman ito ng dalaga lalo na at relasyon nila ng ama niya ang madadamay dahil sa isang pagkakamaling ito. Mas tatanggpin niya sigurong magalit sa kaniya ang ama dahil hindi siya sumipot sa kasal pero hindi sa ganitong sitwasyon, tumakas na nga siya tapos uuwing may asawa na?

“I’m sorry iha, nasabi ko ang mga bagay na yun dahil ilang mga babae na ang ipinakilala sa’kin ng apo ko na binabayaran niya lang para ipakilalang asawa niya pero hindi sila mga kasal. Gusto ko lang masiguro this time na totoong kasal na nga siya and I’m sorry kung nagalit ka because of what I said. Calm down iha, hindi magandang magbitiw ka ng desisyo ng galit ka pa.” malumamay na wika ng matanda kaya napabuntong hininga na lang si Davina. Ayaw niya namang bastusin ang matanda dahil kahit may pagkamataray siya may respeto pa rin siya sa mga taong mas matanda sa kaniya.

“I want to introduce myself iha, I’m Chairman Mario Sanchez. Owner of Sanchez Group company.” Pagpapakilala ng matanda, para namang nanigas si Davina sa sinabi ng matanda. Bahagya pang napaawang ang bibig niya dahil sa gulat at para bang hindi pa siya makapaniwala na ang Chairman ng isang pinakamalaking kompanya sa bansa ay nasa harapan niya ngayon. Napatayo na lang si Davina saka bahagyang yumuko para magbigay galang sa matanda.

“Pasensya na po sa ipinakita kong pag-uugali, I didn’t mean it po. Nagulat lang po talaga ako sa sinabi niyo kanina na panglimang babae na ako ni Caspian na idinala sa inyo.” nahihiya pa rin niyang saad. Kilala sa pangalan si Chairman Sanchez pero hindi masyado sa mukha dahil hindi siya mahilig magpakita sa mga news at magazine.

“I understand iha, you don’t need to say sorry. You don’t have to worry naman dahil sa lahat ng idinala at iniharap sa akin ni Caspian ay ikaw lang ang kasal sa kaniya.” nagtataka man ang mukha ni Davina ay hindi niya na iyun ipinapahalata. Nagtatanong ang isip niya kung bakit ba parang pareho silang maglolo na nagmamadali sa pag-aasawa? Gusto man niya iyung itanong pero mamaya na lang siguro kapag dalawa na lang sila ni Caspian ang naiwan.

Muling naupo si Davina at nakayuko na ang ulo niya. Isang kagalang galang na tao ang kaharap niya at nahihiya na lang siya kapag naiisip niya ang ginawa niya kanina sa harap ng matanda.

“Katie, pakihatid naman ng meryenda naman dito.” utos ng Chairman sa katulong nila.

“Napansin ko pong parang mag-isa niyo lang po dito. Wala po ba kayong kasama rito maliban sa mga katulong?” mahinang tanong ni Davina pero sapat pa rin naman para marinig ng matanda.

“May tatlo akong anak na puro lalaki pero lahat sila ay may mga pamilya na. Dumadalaw na lang sila rito kaya hindi sila masyadong busy.” Napatango-tango na lang si Davina at hindi na nagtanong pa. Sa laki ng bahay ng Chairman ng Sanchez Group tapos siya lang pala ang nakatira at tanging mga katulong at security na lang ang kasama.

“Pasensya ka na Lo kung ngayon lang kami nakadalaw ni Davina rito. Naisipan po kasi namin na magbakasyon na muna bago kami nagpakasal.” Muling kumunot ang noo ni Davina dahil sa kasinungalingan ni Caspian habang naniningkit naman ang mga mata ng Chairman at binabasa ang mukha ng apo kung talagang nagsasabi ito ng katotohanan. Napairap na lang si Davina dahil sa galing umakting ni Caspian, para siyang nagsasabi ng totoo.

“Oh, so it’s true. Ang asawa mo ang nakita ko sa picture kasama mo sa Dubai.” Mas lalong wala ng naiintindihan si Davina dahil sa pinag-uusapan ng maglolo. Wala naman siyang matandaan na nagpunta siya sa Dubai at kasama pa talaga ang lalaking ito? Natatawa na lamang si Davina sa isipan niya, anong kasinungalingan at ipinapaabot ni Caspian sa Lolo niya. Napairap na lang si Davina.

“Lo, hanggang kailan niyo ba ako paiimbestigahan lalo na sa mga taong nakakasama ko. That is our privacy po, please.” Hindi na mabilang ni Davina kung nakailang irap na ba siya habang kasama ang maglolo na ito dahil para talagang nagsasabi ng totoo si Caspian, madadala ka sa kaseryosohan niya.

Tumawa na lang si Chairman Sanchez na para bang may nakakatawa talaga.

“Pasensya ka na iho, nadulas ako sa sinabi ko. Anyway, welcome to our family Davina. Feel at home at huwag kang mahihiya sa pamilya namin lalo na sa akin lalo na at it looks like na hindi mo inaasahan na ako ang Lolo ni Caspian.” Tipid na lang na ngumiti si Davina.

“Ganun na nga po, hindi nasabi sa akin ni Caspian na Lolo po pala niya ang Chairman ng Sanchez Group. Hindi ko po inaasahan ang bagay na yun.” Nakayuko niyang aniya dahil kapag alam niya lang hindi siya sasama sa mansion na ito para mameet ang isang iginagalang na tao sa bansang ito. Gusto na lang ni Davina na mawala na lang at kainin ng lupa dahil nahihiya siya sa ginawa niyang pagbatok kay Caspian kanina sa harap pa talaga mismo ni Chairman Sanchez.

Kumain naman naman na muna sila ng meryenda at tahimik na si Davina. May pagkasiga siya, pagkamataray at may pagkasungit pero kapag ganito kataas na tao ang nakakaharap niya para bang tumiklop na ang buntot niya na parang aso. Mabagal din siyang kumain dahil malalim na ang iniisip niya, ang dami niya na ngang iniisip lalo na sa Daddy niya tapos dumagdag pa ang mga iniisip niya sa mga sinabi ni Caspian kanina. Ni hindi nga sila magkakilala tapos may pabakasyon pa?

Ano? Pagtatakpan na lang ni Caspian ang pagiging babaero niya gamit si Davina? Nakukuyumos na lang ni Davina ang kamao niya at sa tuwing napapatingin siya kay Caspian ay matalim niya itong tinitingnan. Naniningkit ang mga mata niya at iniisip na siguro ibang babae talaga ang kasama niya sa Dubai at pinalabas na lang na si Davina ang kasama niya. Muling umikot ang mga mata ni Davina dahil dun.

“Ngayong mag-asawa naman na kayo siguro naman ay panahon na para magkaroon ako ng apo sa tuhod sayo Caspian lalo na at ilang—“ hindi pa man natatapos ng Chairman ang sasabihin niya nang mabulunan na si Davina sa kinakain niya kaya mabilis siyang nilapitan ni Caspian at inabutan ng tubig. Ininom naman yun ni Davina habang hinahagod naman ni Caspian ang likod ng dalaga.

Nakahinga na lang ng maluwag si Davina nang maging maayos ang pakiramdam niya.

“Hindi ka naman aagawan sa pagkain Baby so please eat slowly.” Malambing na wika ni Caspian kaya inirapan na lang ni Davina ang dalaga. Napakagaling talaga umakting, pwede ng mag-artista.

“Are you okay, iha?” tanong na rin ng matanda.

“Okay lang po ako, pasensya na po. Nabigla lang po ako sa sinabi niyong kailangan na namin magkaanak ni Caspian? Hindi po ba parang masyado naman po yatang maaga para sa bagong kasal?” pilit ang ngiti niyang tanong pero seryoso ang mukha ng matanda.

“Masyado pang maaga? Ilang taon ka na ba Caspian para maging maaga pa magkaroon ng anak? Kung yung iba nga diyan nagkakaanak na bago ang kasal bakit kayo na ikinasal muna masyado pang maaga? Hindi kayo pabata para—“

“Lo, pwede po bang kami ni Davina ang magdedecide sa bagay na yan? Si Davina po ang magbubuntis Lo at hindi po tayo. Gusto ko kapag nagkaanak kami ni Davina handa na siya, ayaw ko ng pinipilit dahil siya ang magdadala sa bata. I need to respect her, hindi ko siya pinakasalan para magdala lang ng magiging anak ko.” sabat na ni Caspian, hindi alam ni Davina kung matutuwa ba siya o maiinis sa sinasabi ni Caspian. Naiinis siya dahil wala silang pinag-usapan na magkakaroon sila ng anak at parang lumambot ang puso niya sa sinabi niyang he respects her lalo na at siya nga naman na babae ang magbubuntis at hindi silang dalawa na maglolo.

Napabuntong hininga na lang si Chairman Sanchez dahil may punto naman si Caspian.

“I understand, pasensya ka na iha. Matanda na ako at ano mang oras ay pwede ng mawala sa mundong ito and I just want to see and meet may grandson kay Caspian.” Aniya na ikinangiti na lang ni Davina.

“Naiintindihan ko po, huwag po kayong mag-alala dahil sisiguraduhin po ni Caspian na bibigyan niya po kayo ng apo bago po kayo mawala saka matagal na panahon pa po yun, malakas pa po kayo.” Pilit ang ngiti niyang saad habang nanlalaki ang mga mata niyang nakatingin kay Caspian.

‘Bibigyan niya kayo ng apo na nais niyo pero hindi sa’kin, hindi ako paanakan.’ Wika niya na lang sa isip niya at pilit na ngumiti sa matanda.

Napatango-tango na lang ang matanda at matamis na ring ngumiti kay Davina.

“Oh siya, dito ba kayo kakain? Para makapaghanda ang mga katulong natin.”

“Gustuhin man po namin Lo but we have to go na rin po dahil ilang araw na po akong absent sa hotel.” Saad ni Caspian.

“Kung ganun, naiintindihan ko. Dumalaw kayo uli kapag may oras pero sa ngayong buwan huwag na muna dahil magiging abala ako.” napakunot naman ang noo ni Caspian.

“Where are you going Lo?” tanong niya rito.

“I need to go at England para sa business natin. Sasabihan ko na lang kayo kapag nandito na ako sa Pilipinas.” Napatango na lang silang dalawa at nagpaalam na rin para umalis. Sa lalim ng iniisip kanina ni Davina ay hindi niya na napansin ang ganda ng lugar na pinasukan nila. Napakalawan na hardin, ng bakuran at ni hindi niya man lang napansin na may pinasukan na pala silang gate kanina bago sila makarating sa napakalaking bahay.

“Ang laki-laki ng bahay niyo rito pero bakit pinili mo pang lumayo sa Lolo mo kung mag-isa niya naman na pala rito?” saad ni Davina.

“I have a valid reason kung bakit.” Tipid na sagot ni Caspian. Inis na hinarap ni Davina si Caspian at gusto niya na itong batukan pero hindi niya pwedeng gawin lalo na at nagdadrive si Caspian.

“Saka teka nga, sino nagsabi sayong pwede mo akong anakan?! Hello? Hibang ka ba talaga? Nakadroga ka ba? Ni hindi nga kita kilala tapos gusto mo akong anakan? Are you really serious?!” hindi niya na mapigilang sigaw, kanina pa siya nagtitimpi hindi niya lang masagot si Caspian dahil kaharap pa nila ang Lolo niya.

“Wala naman akong sinabing aanakan kita diba? Forget about that thing at ako na ang bahala dun.”

“You should dahil kung hindi baka mapatay kita! Bakit ba excited kayong dalawa na maglolo sa pagpapakasal? Nauubusan ba kayo ng oras para gawin yun?! Saka marami ka naman na palang babae na dinala sa kaniya bakit ni isa wala kang pinakasalan?!”

“Meron,” kalmado at tipid na sagot ni Caspian kaya natahimik si Davina at kunot noo na namang nakatingin kay Caspian.

“Kung meron naman pala, bakit mo akong pinakasalan? Gago ka ba?!” humugot na lang ng malalim na buntong hininga si Caspian dahil kanina pa niya napapansin na kanina pa siya sinisigawan ni Davina lalo na at binatukan pa siya nito. Ang pinakaayaw pa naman niya ay ang sinasaktan siya at sinisigawan.

“Sa lahat ng babaeng idinala ko sa kaniya may pinakasalan ako at ikaw yun Ms. Davina.” May diin niya ng saad dahil umiigting na ang panga niya dahil sa pagsigaw-sigaw sa kaniya ni Davina.

Napaawang na lang ang bibig ni Davina at hindi makapaniwalang nakatingin kay Caspian. What a nice answer.