Kabanata 35

Muli sanang lalagyan ni Caspian ng alak ang baso niya nang maramdaman niyang wala ng laman ang bote kaya napabuntong hininga na lang siya saka siya tumayo at nagtungo sa kusina para manguha ng bagong alak.

Muli niyang nilagok ng dire-diretso ang alak na nasa baso niya saka niya inis na ibinato yun sa sahig dahilan para magpira-piraso ito. Naikuyom niya ang mga kamao niya at naiinis sa tuwing naalala niya kung paano binuhat at hinawakan ni Kenzo si Davina kanina. Wala siyang magawa para pigilan ang mga ito lalo na at kasama ang ama ni Davina, hindi man sila magkakilala nirerespeto pa rin ni Caspian ang ama ng babaeng napangasawa niya.

Gusto niyang bawiin si Davina pero sa paanong paraan? Kasunduan lang ang pagpapakasal nilang dalawa para lang tigilan siya ng Lolo niya. Paano kung makipaghiwalay na sa kaniya si Davina?

“Damn it!” galit na sigaw ni Caspian dahil sa mga iniisip niya. Bumalik na lang siya sa sofa at napahilamos sa sarili, ano bang nangyayari sa kaniya? Hindi niya alam kung